Yɩl n lebg wakat fãa so-pakda, rẽnda y sigl y sẽkã sõma. Yãmb sã n moonda lɛɛr 18 semen fãa, y tõe n lebga so-pakda, la y ket n paamd sẽk y tʋʋm a taabã yĩnga. Y sã n sigl y sẽkã sõma, saag bɩ yĩns ka laafɩ wall bũmb a to pa na n tiis-y wʋsg ye. Na-kẽndrã sẽn be tẽngrã tõe n sõnga tʋm-tʋmdbã, bɩ sẽn tar-b nug-tʋʋmd n pa tʋmd wakat fãa wã. Leb n tõe n sõnga neb nins sẽn ka laafɩ bɩ sẽn pa tar-b pãng wʋsgã. Zak rãmb tõe n gesame n toeem bũmb kẽere, tɩ ned a ye tõog n lebg wakat fãa so-pakd bõn-bɩʋʋng kiuugã tɛka. Y tõe n sõsa rẽ zug y zak pʋgẽ Biiblã zãmsgã sasa.