A Zeova ratame tɩ sũ-noog zĩnd d zagsã pʋsẽ. (Yɩɩn. 127:3-5; Koɛ. 9:9; 11:9) Baa ne rẽ, yɩɩr ning dũni-kãngã sẽn wat ne wã, n paas d zagsã rãmb sẽn mi n kongã tõe n kɩtame tɩ d sũ-noogã booge. Bõe la zakã ned kam fãa tõe n maan tɩ sũ-noog zĩnd zakã pʋgẽ?

Raoã segd n nanda a pagã. (1 Pɩy. 3:7) A segd n baooda sẽk n be ne a pagã. A pa segd n bao tɩ pagã maan sẽn yɩɩd a pãng ye. A segd n wilgdame t’a sũur yaa noog ne bũmb nins a pagã sẽn maand yẽ yĩnga, la zakã rãmb yĩngã. (Kolo. 3:15) A segd n wilgdame t’a nong-a lame la a pẽgd-a.​—Yel. 31:28, 31.

Pagã segd n baooda a sẽn na n maan to-to n teel a sɩdã. (Yel. 31:12) Pagã segd n sulgda a meng n sakd a sɩdã la a sõngd-a n get zakã yelle. (Kolo. 3:18) A sã n na n gom ne-a wall a sã n na n gom a yelle, segd n yɩɩ ne waoogre.​—Yel. 31:26.

Roagdbã segd n baooda sẽk n be ne b kambã. (Tõo. 6:6, 7) B segd n yeta b kambã tɩ b nong-b lame. (Mat. 3:17) B sã n wa na n kibl b kambã, b segd n maana rẽ ne nonglem la ne yam.​—Efɛɛ. 6:4.

Kambã segd n waoogda b roagdbã la b sakd-ba. (Yel. 23:22) B segd n togsda b roagdbã bũmb nins sẽn be b sũurẽ wã. B segd n sakda b roagdbã kiblgã la b waoogd-ba.​—Yel. 19:20.

GES-Y VIDEO WÃ: MODG-Y TƖ SŨ-NOOG ZĨND Y ZAKÃ PƲGẼ. RẼ POOR BƖ Y LEOK SOKRÃ:

Bõe la ned kam fãa maan sẽn na yɩl tɩ sũ-noog zĩnd a zakã pʋgẽ?