Y tõe n yãka bũmb n modg n maane, sẽn na yɩl n maneg n tũ a Zeova sõma, t’a sũur yɩ noog ne-yã. D sã n maan woto, sõngdame tɩ d tẽebã pãng paasdẽ. D sã n bao sẽk me n modg n maan bũmb ning d sẽn yãkã, pa na n yɩ zaalem ye. (1 Tɩm. 4:15) Bõe yĩng tɩ d segd n mi n lebg n ges bũmb nins d sẽn yãk n dat n maanã? Bala d yɛlã toeemdame. Tõe n wa lebga toog tɩ d maan bũmb d sẽn da yãk n na n maane, pa rẽ bɩ d tõog n maana rẽ, n tõe n yãk bũmb a to.

Wakat sẽn zems tɩ d lebg n ges bũmb nins d sẽn yãk n na n maanã yaa nand tɩ tʋʋmdã yʋʋm-paalgã sɩnge. Zak pʋgẽ Biibl zãmsgã sasa, y tõe n goma rẽ yelle, la y yãk bũmb zakã rãmb sẽn na n modg n maane, tɩ ned kam fãa me yãk bũmb a sẽn na n maane.

Bũmb nins b sẽn sõdga wɛɛngẽ, bõe la y yãk yam n dat n maane, la wãn to la y magd n na n maan dẽ?