Bõn-bɩʋʋng kiuugã, d na n modgame n sõng nebã tɩ b bãng tɩ yaa Wẽnnaam Rĩungã bal n na n wa ne ãdem-biisã zu-loeesã fãa tɩɩm. (Mat. 24:14) Wãn to la d na n maan dẽ? D sã n wa sõsd ne neda, d na n modg n karma vɛrse sẽn gomd Wẽnnaam Rĩungã yell t’a kelge. Ned sã n wilg t’a rat n bãng n paasame bɩ y kõ-a yʋʋmd 2020 Gũusg Gasgã N° a 2 soabã. Rẽ poor bɩ y lebg n tɩ kaag-a tao-tao, la y bao n sɩng Biiblã zãmsg ne-a Vɩɩmd-y wakat sẽn kõn sa! borsiirã pʋgẽ. Sẽn na n yɩ-b sõngr so-pakdb bõn-bɩʋʋng kiuugã pʋgẽ wã tõe n yãka yam n moon lɛɛr 15 bɩ 30.

Ka la bilfu, Wẽnnaam Rĩungã na n sãama goosneema-rãmb nins fãa sẽn pa teend-a wã. (Dãn. 2:44; 1 Kor. 15:24, 25) Bɩ d maan d sẽn tõe fãa n sõng nebã tɩ b bãng Wẽnnaam Rĩungã, tɩ wilg tɩ d sakda a Zeova la a Rĩungã!