D WILG TƖ D YAA KIRIS-NEB HAKƖƖKA
D ges d meng wa a Zeova sẽn get tõnd to-to wã
“A Zeova sũur nooma ne a nin-buiidã.” (Yɩɩn. 149:4) Baa ne d sẽn yaa neb sẽn pa zems zãngã, a geta d zʋg-sõma wã la bũmb nins d sẽn na n wa tõog n maanã. La sasa ninga, tõe n yɩɩ toog ne-d tɩ d tall tagsg sẽn zems a woto d mengã zugu. Neb a taabã manesem sẽn yaa to-to ne tõndã me tõe n kɩtame tɩ d tagsdẽ tɩ d pa tar yõod ye. Wall d sã n tagsd d pĩnd kongr toor-toorã yell n tɩ yɩɩda, d tõe n wa sãmbda a Zeova sã n sɩd nonga tõndo. Sã n wa yaa woto, bõe n tõe n sõng-do?
Tẽeg-y t’a Zeova nee bũmb nins ninsaalbã sẽn pa tõe n yã wã. (1 Sãm. 16:7) Rat n yeelame t’a nee bũmb tõnd mensã zut tɩ tõnd pa neẽ ye. La zu-noogo, Biiblã tõe n sõnga tõnd tɩ d bãng a Zeova sẽn get tõnd to-to wã. Biiblã pʋgẽ, vɛrse-rãmb la kibay n be be n wilgd a Zeova sẽn nong a nin-buiidã wʋsg to-to wã. D sã n karem-ba, tõe n sõnga tõnd tɩ d bãng a Zeova sẽn get tõnd to-to wã.
GES-Y VIDEO WÃ: D KƖT TƖ D SŨURÃ KƖS SƖD T’A ZEOVA NONG-D LAME. RẼ POOR BƖ Y LEOK SOGSGÃ:
-
B sẽn dɩk makr ne zoɛt ne a ba wã sõngda tõnd tɩ d bãng bõe, a Zeova sẽn get tõnd to-to wã wɛɛngẽ?
-
Ned sẽn maan yel-wẽn-kãseng sã n modgd sẽn na yɩl n maneg yẽ ne a Zeova zoodã, wãn to la a tõe n kɩt t’a sũurã kɩs sɩd t’a Zeova nong-a lame?—1 Zã 3:19, 20
-
Saam-biigã sẽn karem a Davɩɩd ne a Zozafat kibayã la a bʋgsã, wãn to la naf-a?
