Sẽn na yɩl n taas ned koɛɛgã tɩ yɩ sõma, bũmb a ye d sẽn tõe n maan yaa d tiig n sɩng sõsg ne a soabã. La d sã n maand yɩɩr wʋsg d sẽn na n maan to-to n wa gom Biiblã yell ne a soabã wɛɛngẽ, d tõe n yɛɛsdame n pa rat n sɩng sõsg ye. Ra maan-y yɩɩr wʋsg bũmb ning y sẽn na n yeel n kõ kasetã wɛɛngẽ ye. Tags-y y sẽn tõe n wilg a soabã to-to t’a yell pak-y lame wã yell n tɩ yɩɩda. (Mat. 22:39; Fili. 2:4) Y sã n sõsd ne ned n wa paam segb n tõe n gom bũmb y sẽn tẽed yelle, tʋʋm-teed wʋsg n be n tõe n sõng-yã.

Y sã n wa gomd bũmb ning yell sõsg sasa, wãn to la tʋʋm-te-kãensã tõe n sõng yãmb tɩ y kõ kasetã?

GES-Y VIDEO WÃ: “KUT N SAASD KUTU”—SÕSG SƖNGRE. RẼ POOR BƖ Y LEOK SOKRÃ:

Bũmb a tãab la d tõe n maan tɩ sõng-d tɩ d paas d minimã sõs ne nebã wɛɛngẽ. Bãmb la bʋse?