Yʋʋmd 2016 yʋʋm-vẽkr kiuugã tɛka, Gũusg Gasg ning b sẽn yiisd zãma wã yĩngã poorẽ, gom-zug n be be n yaa: “Bõe la Biiblã yeta?” Yaa sẽn na n sõng-d tɩ d sɩng sõsg ne nebã Biiblã zugu. Goamã wʋgbã wõnda d seb-vãadã pʋgẽ goamã. B sokda sokre, n yaool n wilgd vɛrse sẽn leokd sokrã, la bũmb kẽer zug d sẽn tõe n sõse.

Sõsg sẽn tik Biiblã wae n sõngdame tɩ d paam n sɩng Biiblã zãmsg ne neda. Tũnug-y ne sõs-kãensã n sõng neb nins sẽn dat n bãng Wẽnnaamã.—Mat. 5:6.

1. Sok-y kɛlgdã sokr a ye n bãng a tagsgo.

2. Kelg-y neere, la y pʋʋs-a barka.

3. Karm-y vɛrse wã sẽn be zĩig ning b sẽn gʋls tɩ “Biiblã sẽn yete,” la y sok kɛlgdã a tagsgo. A sã n tar sẽk bɩ y sõs “Bõe me la d tõe n bãng Biiblã pʋgẽ?” wã zugu.

4. Kõ-y-yã-a sebrã.

5. Rɩk-y sɛk n lebg n tɩ sõs sokr a yiib-n-soabã zugu.