Tõnd sã n taas ned koɛɛgã, d rat n lebg n wa sõng-a lame t’a bãng n paase. (1 Kor. 3:6) Koe-moonegã sasa, ned sã n kelg-d neere, sõsgã baasgẽ, yɩta sõma tɩ d sok-a sokre, n paam n wa leok nindaare. Rẽ na n kɩtame tɩ kɛlgdã tʋll n bãng leoorã, la sõng-d me tɩ d segl d meng sõma nindaar sõsgã yĩnga. D sã n lebg n wa n na n kaag kɛlgdã, d tõe n yeel-a lame tɩ d waame n na n leok sokrã.

• Y sã n wa segend y meng zak-zak moonegã yĩnga, bɩ y bao sokr y sẽn na n soke, n lebg n wa leok nindaare. Sokrã leoor segd n bee sebr ning y sẽn na n kõ kɛlgdã pʋgẽ, wall sɛb nins d sẽn tar n zãmsd nebã Biiblã a yembr pʋgẽ, tɩ y magd n na n wa wilg-a seb-kãnga.

• Y sã n sõs ne ned t’a rat n wʋm koɛɛgã n paase, bɩ y wilg-a tɩ y tʋll n lebg n waa nindaare, la y sok-a sokr y sẽn da segle. Sã n tõe bɩ y rɩk a adɛrse.

• Y sã n yãk lɛɛr n wilg-a tɩ y na n waame, bɩ y modg n wa.—Mat. 5:37.