D WILG TƖ D YAA KIRIS-NEB HAKƖƖKA
D wilg tɩ d sũur nooma ne d sẽn paam n yaa a Zeova zo-rãmbã
A Zeova Kaset rãmbã sẽn paam n yaa a zo-rãmbã yaa bark meng-menga. D rɩka d mens n kõ a Zeova sẽn yaa yĩngr la tẽng Naabã n deeg lisg n lebg kiris-neba, la d maood n dat n paasd tõnd ne yẽ zoodã pãnga. Ne a Biigã maasem, a taka tõnd n wa a meng nengẽ. (Zã 6:44) D sã n pʋʋsd-a, a kelgdame. (Yɩɩn. 34:16)
Bõe la d tõe n maan tɩ baa fʋɩ ra wa sãam tõnd ne Wẽnnaam zoodã? Ad bũmb a ye: D segd n gũusame n da wa maan yel-wẽn nins Israyɛll nebã sẽn maanã ye. B sẽn maan kaoolã ne a Zeova wã poor bilf bala, b maana sãnem nag-bilã, n da wõgemded a taoore. (Yik. 32:7, 8; 1 Kor. 10:7, 11, 14) D sok d meng yaa: ‘M yamã sã n wa be wẽng maanego, m maanda wãna? M sẽn maand bũmb ninsã wilgdame tɩ sũur nooma ne m sẽn paam n yaa a Zeova zoa wã bɩ?’ D sã n nong d Ba sẽn be saasẽ wã ne d sũur fãa, na n sõng-d lame tɩ d zoe n zãag ne bũmb nins a sẽn kisã.—Yɩɩn. 97:10.
GES-Y VIDEO WÃ: RA N BAS-Y TƖ BAA FƲƖ SÃAM YÃMB NE A ZEOVA ZOODÃ YE (KOL. 3:5). TƖ RẼ POOR BƖ Y LEOK SOGSGÃ:
-
Yão-beed yaa bõe?
-
Bõe yĩng tɩ d segd n zãag d meng ne yão-beed la bõn-naands pʋʋsgo?
-
Bõe n wilgd tɩ yoob yaa wa bõn-naands pʋʋsgo?
-
Bõe yĩng tɩ yaa tɩlɛ tɩ saam-biig b sẽn tar tʋʋm a Zeova siglgã pʋgẽ sɩd mao n ges a pagã yell neere?
