Zeova, foo n kõt tõnd sũ-noog sẽn pa sate
Telesarze:
1. D sã n ges saasã ne yʋngo,
yaa neer hal wʋsgo.
Wĩntoogã, tẽngã la mogrã
yaa foo n kõ tõndo.
Fo meng sẽn naan dũniyã n sa wã,
la f ges fo sẽn naan bũmb ninsã,
fo sũur yɩɩ noogo.
(REESGO)
Fo sẽn naanã ne koe-noogã,
la f sẽn pʋlem dũni-paalgã,
kõta tõnd sũ-noog daar fãa.
La sẽn noom tõnd n tɩ yɩɩdã,
yaa fo nonglem sẽn pa satã.
Tõnd Wẽnnaam fo kõo tõnd fãa
sũ-noog sẽn pa sate.
2. Zeova, fo kõta tõnd bũmb fãa
tõnd sũ-noog yĩnga.
Fo belsda d sũur ne fo goama,
la f get tõnd yelle.
Fo naanã bũmb fãa tõnd yĩnga,
la f pʋlem tõnd vɩɩm sẽn kõn sa,
tõnd sũ-noog yĩnga.
(REESGO)
Fo sẽn naanã ne koe-noogã,
la f sẽn pʋlem dũni-paalgã,
kõta tõnd sũ-noog daar fãa.
La sẽn noom tõnd n tɩ yɩɩdã,
yaa fo nonglem sẽn pa satã.
Tõnd Wẽnnaam fo kõo tõnd fãa
sũ-noog sẽn pa sate.
(PÕ)
La yaa fo sẽn kõ-f Biigã
yĩng la d paam sũ-noogo.
A kiime n yao tõnd fãa yĩnga,
tɩ d tõe n paam sũ-noog wakat fãa.
(REESGO)
Fo sẽn naanã ne koe-noogã,
la f sẽn pʋlem dũni-paalgã,
kõta tõnd sũ-noog daar fãa.
La sẽn noom tõnd n tɩ yɩɩdã,
yaa fo nonglem sẽn pa satã.
Tõnd Wẽnnaam fo kõo tõnd fãa
sũ-noog sẽn pa sate.
(REESGO)
Fo sẽn naanã ne koe-noogã,
la f sẽn pʋlem dũni-paalgã,
kõta tõnd sũ-noog daar fãa.
La sẽn noom tõnd n tɩ yɩɩdã,
yaa fo nonglem sẽn pa satã.
Tõnd Wẽnnaam fo kõo tõnd fãa
sũ-noog sẽn pa sate.
(Ges-y Yɩɩn. 37:4; 1 Kor. 15:28.)
