1. A Zeova sẽn yaa d Soaalã

pa rat tɩ b sãam a yʋʋrã ye.

La pĩnd wẽndẽ n tãag masã,

b paoogda a yʋʋrã la a naamã.

A sẽn dat ne a sũurã fãa,

yaa a wilga a bɛɛbã a pãngã.

La a maanda sũ-marã wʋsgo,

a nonglemã yĩnga.

A raab yaa tɩ ned buud fãa

tek yam n tõog n paam fãagre.

Bɩ tõnd fãa pʋʋs Wẽnd barka,

bala a sũ-marã waoogame.

2. Tõnd sẽn yaa Wẽnnaam nebã,

bɩ tõnd me tall sũ-mar wa yẽ.

Sũ-marã na n sõngame,

tɩ tõnd yɩ bas-tɩ-loog rãmba.

D na n geta tõnd taabã

wa a Zeova sẽn get tõndã.

A basda d kongrã taale,

n get tõnd zʋg-sõamyã.

Dũni-wẽn-kãngã pʋgẽ,

sũ-mar sõngdam’ tɩ d tõog toogo.

Bɩ d kos Wẽnd vʋʋsem sõngã,

n tõog n tall sũ-mar daar fãa.