GŨUSG GASGÃ Sig-noya 2020
Sõss nins d sẽn na n zãms yʋʋmd 2020 sẽoog kiuug rasem a 6 n tãag sa-sik kiuug rasem a 2 wã bee seb-kãnga pʋgẽ.
“Rɩtg rĩmã,” saabã wakate
Zãmsgã yĩnga, 19 soabã: Yʋʋmd 2020 sẽoog kiuug rasem a 6 n tãag a rasem 12. D nee vẽeneg t’a Dãniyɛll bãngr-gomd ning sẽn gomd “rɩtg rĩmã” la “goabg rĩmã” yellã ket n pidsdame. Bõe yĩng tɩ d tõe n kɩs sɩd ne rẽ? La bõe yĩng tɩ d segd n bao n wʋm bãngr-gom-kãngã võor sõma?
Rĩm-dãmb sẽn wagsd taab saabã wakate
Bãngr-gomd ning sẽn gomd “rɩtg rĩmã” ne “goabg rĩmã” yellã ne bãngr-goam a taab naaga taab n pidsd wakat yɛnga. Wãn to la bãngr-gom-kãensã wilgd tɩ keta bilf tɩ dũni-kãngã sa?
Ãnd la “rɩtg rĩmã” rũndã-rũndã?
Zãmsgã yĩnga, 20 soabã: Yʋʋmd 2020 sẽoog kiuug rasem 13 n tãag a rasem 19. Ãnd la “rɩtg rĩmã” rũndã-rũndã, la wãn to la b na n sãam-a? D sã n bãng sok-kãngã leoore, na n sõng-d lame tɩ d paas d tẽebã pãng la d segl d mens n mao ne zu-loees nins d sẽn na n wa seg ka la bilfu, to-kãsengã sasa wã.
D sũur nooma ne bõn-sõma nins Wẽnnaam sẽn kõ-dã bɩ?
Zãmsgã yĩnga, 21 soabã: Yʋʋmd 2020 sẽoog kiuug rasem 20 n tãag a rasem 26. Sõs-kãngã na n sõng-d lame tɩ d maneg n wilg tɩ d sũy nooma ne a Zeova la bõn-sõma nins a sẽn kõ-dã. Na n sõng-d lame me tɩ d bãng n sõng neb nins sẽn sãmbd Wẽnnaam sã n beeme bɩ a kae wã.
D wilg tɩ d sũur nooma ne bõn-sõma nif sẽn pa ne wã
Zãmsgã yĩnga, 22 soabã: Yʋʋmd 2020 sẽoog kiuug rasem 27 n tãag sa-sik kiuug rasem a 2. Sõsg ning sẽn loogã pʋgẽ, d yãa bõn-sõma kẽer Wẽnnaam sẽn kõ-do, tɩ d tõe n yã ne nifu. Sõs-kãngã pʋgẽ, d na n goma bõn-sõma nins d sẽn pa tõe n yã ne nifã yell n tɩ yɩɩda, la d ges d sẽn na n maan to-to n wilg tɩ d sũur nooma ne rẽ. Na n kɩtame me tɩ d sũur maneg n noom ne Wẽnnaam a Zeova sẽn kõ-d bõn-kãensã fãa wã.
