GŨUSG GASGÃ Sigri 2020
Sõss nins d sẽn na n zãms yʋʋmd 2020 sa-sik kiuug rasem a 3 n tãag a rasem 30 wã bee seb-kãnga pʋgẽ.
“Bɩ yãmb yʋʋr paam waoogre”
Zãmsgã yĩnga, 23 soabã: Yʋʋmd 2020 sa-sik kiuug rasem a 3 n tãag a rasem a 9. Yel-bʋg n pak malɛgsã ne ãdem-biisã fãa? Bõe n kɩt tɩ yel-kãng tar yõod wʋsgo, la bõe la tõnd tõe n maan n sõng n welg-a? D sã n bãng sogs-kãensã leoore, na n sõngame tɩ tõnd ne a Zeova zoodã pãng paase.
“Kɩt-y tɩ mam zoe yãmb yʋʋrã ne m sũur fãa”
Zãmsgã yĩnga, 24 soabã: Yʋʋmd 2020 sa-sik kiuug rasem 10 n tãag a rasem 16. Sõs-kãnga pʋgẽ, yaa rĩm a Davɩɩd pʋʋsgã sẽn be Yɩɩn-sõamyã 86:11, 12 pʋgẽ wã yell la d na n gom n tɩ yɩɩda. Zoe a Zeova yʋʋrã rat n yeelame tɩ bõe? Bõe yĩng tɩ d segd n zoe a Zeova yʋʋrã sẽn yaa kãsengã? La wãn to la wẽn-zoeerã tõe n sõng-d tɩ d yals kãn-kãe makr pʋgẽ?
Karemdbã sogsgo
Rẽ yĩnga, zʋg-sõma nins b sẽn sõdg Galat rãmb 5:22, 23 pʋgẽ wã bal n yaa vʋʋsem sõngã biis bɩ?
Mam meng n na n bao m piisã, n ges b yelle
Zãmsgã yĩnga, 25 soabã: Yʋʋmd 2020 sa-sik kiuug rasem 17 n tãag a rasem 23. Bõe yĩng tɩ d tẽed-n-taas sẽn tũ a Zeova yʋʋm wʋsg wa lak n bas a nin-buiidã? A tagsg yaa wãn ne nin-kãensã? D na n leoka sogsg a yiibã sõs-kãnga pʋgẽ. D leb n na n yãa a Zeova sẽn sõng neb to-to pĩnd wẽndẽ tɩ b le sɩng a tũubu, la d sẽn tõe n dɩk yam ning rẽ pʋgẽ.
“Lebg-y n wa-y mam nengẽ”
Zãmsgã yĩnga, 26 soabã: Yʋʋmd 2020 sa-sik kiuug rasem 24 n tãag a rasem 30. A Zeova ratame tɩ neb nins sẽn pa le naagd tigingã neb n moond koɛɛgã, la b pa le kẽnd tigissã lebg n wa a nengẽ. A yet-b lame yaa: “Lebg-y n wa-y mam nengẽ.” Bũmb wʋsg la tõnd tõe n maan n sõng neb nins sẽn dat n lebg n wa wã. Sõs-kãngã pʋgẽ, d na n yãa d sẽn tõe n sõng nin-kãensã to-to tɩ b tõog n lebg n wa a Zeova nengẽ.
