Ne Wẽnnaam sõngre, d na n tõogame n da le kisg ned ye. A vʋʋsem sõngã tõe n sõng-d lame tɩ d bɩɩs zʋg-sõma d sẽn pa tõe n bɩɩs d toore. Yɩta sõma tɩ d teeg Wẽnnaam la d ra bao ne d meng pãng n na n kɩt tɩ kisgrã sa ye. D sã n teeg Wẽnnaam, d na n paamame t’a sõng-d wa tẽn-tʋmd a Polle. Ad a Poll sẽn yeele: “Bũmb fãa pʋgẽ, mam tara pãnga, sẽn kõt-a maam pãngã maasem yĩnga.” (Filip rãmbã 4:13) Tõnd me tõe n yeelame yaa: “Mam sõngr yita Sẽn-Ka-Saab nengẽ.”—Yɩɩn-sõamyã 121:2.

Pelg-y y pʋg n pʋʋs a Zeova n kos-a a vʋʋsem sõngã. (Luk 11:13) Kos-y-yã-a t’a sõng-y tɩ y bɩɩs zʋg-sõma y vɩɩmã pʋgẽ. Zãms-y Biiblã n bãng zʋg-sõma nins sẽn tõe n sõng-y tɩ y ra le kis nebã. Wala makre, nonglem, laafɩ, maag-m-menga, la yõk-m-menga. Baood-y y sẽn tõe n maan n bɩɩs zʋg-sõma kãensã y vɩɩmã pʋgẽ. Yõg-y zood ne neb sẽn modgd n bɩɩsd zʋg-sõma kãensã. B tõe n sõng-y lame ‘tɩ y bɩɩs nonglem la y tʋm tʋʋm-sõma.’—Ebre-rãmbã 10:24.