“M sũurã sã n wa pa noom ne m menga, a Zeova tũnugda ne JW teledifiziyõ wã yɩɩl n keng m daoodo.”—A Lorɛnn sẽn be Etazĩni.

Kiris-nebã sɩng n yɩɩnda yɩɩl n pẽgd a Zeova. (Kolo. 3:16) D sã n zãms d yɩɩlã ne zugu, b tõe n sõng-d-la baa d sã n wa pa tar yɩɩlã sebre, telefõn wall tablɛte. Ad bũmb kẽer y sẽn tõe n maan n bãng yɩɩlã ne zugu:

• Maag-y y yĩng n karem yɩɩllã goam n wʋm b võore. Y sã n wʋm gomd võore, y tõe n lebs n tẽeg-a-la nana-nana. Y tõe n paama d yɩɩlã fãa goam jw.org pʋgẽ, baa yɩɩn-noodã la kambã yɩɩlã goamã. Kẽ-y D sẽn yiisi, n ges zĩig ning b sẽn gʋls tɩ Mizik.

• Gʋls-y yɩɩllã goamã. Y sã n maan woto, tõe n sõngame tɩ y ra yĩm-b ye.—Tõo. 17:18.

• Zẽk-y y koɛɛg n karem la y yɩɩle. Karm-y goamã wall y yɩɩl yɩɩllã naoor wʋsgo.

• Mak-y n ges-y y sã n tẽrame. Mak-y n tẽeg-y goamã n pa ges ye. Rẽ poor bɩ y ges y sã n pa tudgi.