Tõnd fãa pa tar sẽk wʋsg zãmsgã yĩng ye. Bõe la y tõe n maan n da sãam y sẽkã? Pipi, ra zãms-y var-var ye. Y sã n maag y yĩng n zãms baa yaa bilfu, na n naf-y lame n yɩɩd y sẽn na n zãms bũmb wʋsg var-vare.

Reng-y n sɩng-y ne bũmb ning sẽn tar yõod n yɩɩdã. (Efɛɛ. 5:15, 16) Ad sagls a wãn y sẽn tõe n tũ:

• Karemd-y Biiblã daar fãa. (Yɩɩn. 1:2) Y tõe n sɩnga ne Biiblã kareng na-kẽndr sẽn be Kiris-nebã vɩɩm la b tʋʋma sebr pʋgẽ wã.

• Segend-y Gũusg Gasgã zãmsgo, la Kiris-nebã vɩɩm la b tʋʋma tigsgã. Segend-y y meng sõma n tõogd n zẽkd y nug n leokdẽ.—Yɩɩn. 22:22.

• Bao-y sẽk me n karemd sɛb nins b sẽn yiisd nebã fãa yĩngã, n paas bũmb a taab b sẽn ningd jw.org pʋgẽ, la y get video-rãmbã.

• Maand-y vaeesgo. Y tõe n maana vaeesg zu-loɛɛg y sẽn segd wɛɛngẽ, sokr y sẽn tar wall bũmb Biiblã sẽn gomd a yell tɩ y rat n wʋm a võor sõma n paas wɛɛngẽ.