Koe-moondb wʋsg tũnugda ne JW Library^® wã n segend b mens tigissã yĩnga, tɩ b sũy noom b sẽn tõe n paam Gũusg Gasgã sõsg ning b sẽn na n zãmsã nana-nana wã. La Gũusg Gasgã pʋgẽ, zãmsgã sõssã sẽn yãk b toogo, sõss a taab n be be. Wãn to la y tõe n maan n paam sõs-kãens JW Library wã pʋgẽ n karem tɩ naf-yã?

• Gũusg Gasgã zãmsg fãa baasgẽ, y na n yãa b sẽn gʋls tɩ “Bũmb a taab y sẽn tõe n karme.” Ges-y gom-zug-kãng tẽngre, n tẽk b sẽn gʋls tɩ “Sõss a taab sẽn be seb-kãngã pʋgẽ” wã. Ges-y sõssã gom-zut sẽn be be wã. Y na n yãame tɩ zãmsgã sõssã tara nimero-rãmba. Sẽn ket-bã yaa sõss a taaba, tɩ y tõe n tẽk y sẽn dat a soab n paam n karme.

• Pak-y JW Library wã n ges zĩig ning b sẽn gʋls tɩ “Nouveautés” wã, n telesarz Gũusg Gasgã sẽn pukd be wã. Pak-y sebrã zĩig ning gom-zutã sẽn be wã, la y modg n dɩ sõss nins sẽn be be wã fãa yõodo.