Yãmb nongẽ lame tɩ y Biiblã zãmsg naf-y n paas bɩ? Ad sagls sẽn tõe n sõng-y tɩ y yamã ra gõod zãmsgã sasa:

• Bao-y zĩig sẽn zemse. Sã n tõe bɩ y bao zĩig sẽn yaa yɩlemde, la vẽenem sẽn be sõma. Y tõe n baoo sɛɛs la taable, wall y yi yɩng n bao zĩig sẽn yaa sõma n zĩndi.

• Bao-y zĩig y sẽn na n yɩ y yembre. A Zeezi ra yãkda yam n baood “zĩig neb sẽn ka beẽ,” n pʋʋsd “yibeoogã pĩnda.” (Mark 1:35) Sã n yaa toog tɩ y paam zĩig y sẽn na n yɩ y yembre, y tõe n togsa y zakã rãmb wall neb nins sẽn be ro-yɛng pʋg ne yãmbã wakat ning y sẽn na n zãms Biiblã, la y kos-b tɩ b ra tiis-y ye.

• Ra bas-y tɩ bũmb tiis-y ye. Sã n yaa y telefõnnã wall tablɛt la y tar n zãmsdẽ bɩ y ning silencieux wall mode avion sẽn na yɩl tɩ bũmb ra wa tiis-y ye. Y sã n tẽeg bũmb y sẽn segd n maan yell y zãmsgã sasa bɩ y gʋls la y kell n zãmse, tɩ sã n sa bɩ y yaool n ges rẽ yelle. Y sã n wa mik tɩ y yamã yuusdame bɩ y yik n kẽn bilf wall y tẽeg y sɛɛga.