Karm-y Sɩngr 37:23-28; 39:17-23 tɩ y na n bãnga b sẽn maan a Zozɛf pãng to-to.

Bao-y n bãng-y kibarã sõma. Bõe n kɩt tɩ b maan a Zozɛf pãnga? (Sɩng. 37:3-11; 39:1, 6-10) Yɩɩ tɩlɛ t’a Zozɛf maan sũ-mar n kaoos wakat a wãna? (Sɩng. 37:2; 41:46) Wakat kãnga, bõe la a Zeova maan n sõng a Zozɛfe, la bõe la a pa maane?—Sɩng. 39:2, 21; w23.01 17 s. 13.

Bao-y n bãng-y n paas-y-yã. Baa ne a Potifaar pagã sẽn dõd a Zozɛfã, Biiblã pa yeel t’a Zozɛf baoome n na n wilg t’a yaga ziri ye. Bũmb toor-toor n da tõe n kɩt t’a Zozɛf yãk yam n sĩndi. D leb n miime tɩ pa wakat fãa la Biiblã togsd yɛlã sẽn yɩ to-to wã ball-ball ye. Vɛrse nins sẽn pʋgdã tõe n sõng-d lame tɩ d wʋm rẽ fãa võore. (Yel. 20:2; Zã 21:25; Tʋʋ. 21:37) Tõe tɩ zʋg-sõma-bʋs n sõng a Zozɛf t’a tõog toogo?—Mis. 7:7; Luk 14:11; Zak 1:2, 3.

Bao-y n bãng-y yam ning y sẽn tõe n dɩkã. Sok-y y meng yaa:

• ‘M sẽn yaa kiris-ned hakɩɩkã, bõe la b tõe n wa maan-m tɩ yaa kɛgre?’ (Luk 21:12, 16, 17; Ebre. 10:33, 34)

• ‘Bõe la m tõe n maan rũndã-rũndã, tɩ wa sõng-m tɩ m tõog toog yel-kɛgr taoore?’ (Yɩɩn. 62:7, 8; 105:17-19; w19.07 2-7).