D naagda taab n waoogd a Zeova d tigissã la d tigis-kãsemsã sasa, la pa rẽ bal ye. D Biibl zãmsgã la d zak pʋgẽ Biibl zãmsgã sasa me d waoogda a Zeova. Ad bũmb kẽer y sẽn tõe n maan y Biibl zãmsg wall y zak pʋgẽ Biibl zãmsg sasa:

• Segend-y tigissã. Y tõe n zãmsa yɩɩl nins y sẽn na n yɩɩlã, la y sõng y zakã ned fãa t’a segl leoor me.

• Karm-y Biiblã kibare. Rẽ poor bɩ y maan desẽ sẽn bilgd bũmb b sẽn gomd a yell kibarã pʋgẽ, wall y gʋls bũmb y sẽn bãng kibarã wɛɛngẽ.

• Karm-y neb pʋʋsg sẽn be Biiblã pʋgẽ, la y tags n ges rẽ sẽn tõe n sõng-y to-to tɩ y paas y pʋʋsgã sõmblem.

• Ges-y video siglgã sẽn yiisi, la y sõs a zug wall y gʋls bũmb sẽn yɩ yãmb noog video wã pʋgẽ.

• Segl-y y meng koɛɛgã mooneg yĩnga. Yãmb ne y zakã rãmb tõe n maana mak-n-wilg me.

• Ges-y bũmb nins a Zeova sẽn naanã la y bʋgs rẽ zugu, wall y gom rẽ sẽn wilgd-y bũmb ning a Zeova zugã yelle. a