Tõe tɩ yãmb me yaa wa tõnd sʋkã neb wʋsgo, tɩ mi n yaa toog tɩ y tẽeg bũmb nins y sẽn zãmsã. La tõe tɩ y gũus n gesame tɩ y tẽegda makr toor-toorã a Zeezi sẽn dɩkã nana-nana. Y tõe n mams-b-la y yamẽ, tɩ sõngd-y tɩ y tẽegd b yelle. Woto me, y sã n mamsd bũmb nins y sẽn zãmsdã y yamẽ, tõe n sõng-y lame tɩ y tẽegd rẽ yell nana-nana. Bõe n tõe n sõng-y tɩ y maan dẽ? Yaa y sẽn na n maand desẽ-rãmb y sã n wa zãmsdẽ.

Neb nins sẽn wae n maand desẽ-rãmb sẽn bilgd bõn-paal b sẽn bãngdã wae n tẽra rẽ yell n yɩɩda. B mikame tɩ b sẽn maand woto wã pa sõngd-b tɩ b tẽr gom-biisã bal ye. Sõngd-b lame me tɩ b tẽr tags-kãsemsã. Pa desẽ-rãmb sẽn yaa neeb wʋsg la b maand ye. Kaset wʋsg beeme n wilgdẽ tɩ neb nins sẽn kʋʋlã sã n maan woto, tõe n naf-b-la wʋsgo.

Y sã n wa zãmsd Biiblã, y tõe n mak n maana bũmb kẽer y sẽn bãng desẽ-rãmb n gese. Rẽ tõe n sõng-y lame tɩ y tẽr b yell hal tɩ ling-y-yã!