Yell ning sẽn zĩnd t’a yõodã yɩɩd a taabã fãa wã

YƖƖ A Zezi Kirist kũumã. Bõe yĩng t’a tar yõod wʋsg woto? Bʋʋm wʋsg yĩnga.

A Zezi sẽn tall kɩs-sɩd n ta a kũumã wilgame tɩ ninsaal da tõe n kell n talla a burkĩndã Wẽnnaam taoore.

Kirist kũumã kõo neb kẽer sor tɩ b lebg na-rɩt-n-taas ne-a saasẽ. A leb n paka sor n kõ neb wʋsg tɩ b na n paam vɩɩm sẽn pa sat tẽng zug arzãnẽ.

Yʋng ning sẽn deng a Zezi kũumã, a tũnuga ne bur sẽn ka rabɩll la dɩvẽ miuug tɩ yɩ makr ne a ninsaal vɩɩmã a sẽn na n dɩk n maan maoong ne nonglmã. A yeela a karen-biisã: “Bɩ y maan bõn-kãnga n tẽegd mam yelle.” (Luk 22:19) Yãmb na n tẽega yel-kãngã sẽn tar yõodã bɩ?

A Zeova Kaset rãmbã boonda yãmb ne nonglem tɩ y wa lagem bãmba n maan a Zezi kũumã Tẽegre. Rõandã, b na n maan-a-la lamusa, yʋʋmd 2002, tʋʋlg kiuug rasem 28, wĩndgã kõom poore. Y tõe n tɩ maan-a-la Rĩung Roog ning sẽn pẽ yãmb sakã n yɩɩdã pʋgẽ. Sʋk-y a Zeova Kaset rãmb nins sẽn be yãmb babgẽ wã n bãng tigisgã zĩig la a wakat takɩ.