Yãmb kɩsa sɩd tɩ kũum na n vʋʋgame bɩ?
Yãmb kɩsa sɩd tɩ kũum na n vʋʋgame bɩ?
‘Kũum na n vʋʋgame.’—TƲƲMA 24:15.
1. Bõe yĩng tɩ wõnd neb fãa na n lemba kũum tɩlae?
“DŨNI kãngã pʋgẽ, bũmb a yiib ãdem-biisã sẽn pa tõe n põs yaa kũum la lampo rãmbã yaoobo.” Yaa Amerik tẽngã politik ned a Benjamin Franklin n gʋls woto yʋʋmd 1789 soabã pʋgẽ. La neb kẽer sak n deeg a sẽn yeelã. Yaa sɩd tɩ baasgo, neb wʋsg sẽn yaa zãmb rãmb tõogd n ginda lampo rãmbã kẽer bɩ b fãa meng yaoobo. La kũumã yẽ nengẽ wã, ned baa a ye pa tõe n kuus ye. Tõnd ned baa a ye pa tol n tõe n põs kũumã ne a meng pãng ye. D fãa yaa kiidba. Seol sẽn dat n yeel tɩ yaoogã b sẽn mumdẽ kũumã pa tɩgd ye. (Yelbũna 27:20) Bɩ d gom bũmb sẽn kengd raood yell masã.
2, 3. a) Bõe yĩng tɩ d tõe n yeel tɩ pa nebã fãa n na n lemb kũum? b) Sogs-bʋs la d na n bao n leok sõs-kãngã pʋgẽ?
2 A Zeova Gomdã yet-d lame tɩ d bas d yam tɩ sẽn ki-bã na n vʋʋgame. D tõe n kɩsa sɩd tɩ pa belgr ye. Bala bũmb kae ãndũniyã gill zug n tõe n gɩdg a Zeova t’a pa pids a sẽn pʋlmã ye. La baa neb wʋsg pa mi me, pa nebã fãa n na n lemb kũum ye. Bõe yĩnga? Bala kʋʋn-kãseng n na n põs ‘to-kãseng’ ning sẽn wat ka la bilfã pʋgẽ. (Wilgri 7:9, 10, 14) Rẽ poore b tõe n paam n vɩɩmda wakat sẽn kõn sa. Dẽnd nin-kãensã na n paam n põsa kũum. Sẽn paase, Wẽnnaam na n kɩtame tɩ kũum da le zĩnd meng ye.—1 Korẽnt dãmba 15:26.
3 D segd n kɩsa sɩd wa tʋm-tʋmd Poll tɩ “kũum fãa, [nin-tɩrs la sẽn pa-b tɩrs, NW] na n vʋʋgame.” (Tʋʋma 24:15) Bɩ d bao n leok sogsg a tãab kũum vʋʋgrã wɛɛngẽ. Pipi, bõe n kɩt tɩ d tõe n kɩs sɩd zãng-zãng tɩ kũum na n vʋʋgame? Yiib-n-soaba, bõe la d tõe n maan tɩ kũum vʋʋgrã Wẽnnaam sẽn pʋlmã yɩ belsg n kõ-do? La tãab-n-soaba, wãn to la d sẽn kɩs sɩd tɩ sẽn ki-bã na n vʋʋgame wã tõe n naf-d masã tɛka?
Kũum vʋʋgrã yaa waaziba
4. Bõe n kɩt tɩ d miẽ tɩ sẽn na yɩl t’a Zeova raabã tõog n pidsi, kũum vʋʋgrã yaa tɩlae?
4 Bʋʋm toor-toor n kɩt tɩ d tõe n kɩs sɩd tɩ kũum vʋʋgrã yaa waaziba. Bʋʋm sẽn yɩɩd fãa yaa tɩ rẽ yaa tɩlae sẽn na yɩl t’a Zeova raabã tõog n pidsi. Tẽeg-y tɩ yaa a Sʋɩtãan n yɩ sabab Zã 8:44) La a Zeova ra pʋlmame t’a siglgã sẽn be saasẽ wã a sẽn boond t’a ‘pagã’ na n wa talla ‘yageng’ sẽn na n pogl a Sʋɩtãan b sẽn boond tɩ ‘wag-kʋdrã’ zugu, sẽn dat n yeel t’a na n sãam-a-la fasɩ. (Sɩngre 3:1-6, 15; Wilgri 12:9, 10; 20:10) A Zeova sẽn tall a raabã vẽnegr bilf-bilfã, b wa n bãngame tɩ yagengã sẽn yaa Mesi wã sẽn na n tʋm tʋʋmd ningã pa na n tek a Sʋɩtãan sãoong bal ye. Rẽ wɛɛngẽ, Wẽnnaam Gomdã yeela woto: “Wẽnnaam Biiga waame n na n sãam Sʋɩtãana tʋʋma.” (1 Zã 3:8) Sẽn yɩɩd fãa, a Sʋɩtãan tʋʋmd ning a Zeova sẽn na n kɩt t’a Zezi Kirist sãam yaa kũumã sẽn kʋʋd tõnd a Ãdem yel-wẽndã sẽn be ne-dã yĩngã. Sẽn na yɩl n maan dẽ, yɩɩ tɩlae t’a Zezi ki ãdem-biisã yĩnga, la yɩ tɩlae me t’a vʋʋge.—Tʋʋma 2:22-24; Rom dãmba 6:23.
tɩ ãdem-biisã lebg yel-wẽn-maandb tɩ kɩt tɩ b fãa kiidẽ. Rẽ n so t’a Zezi yeel t’a Sʋɩtãan ‘yaa nin-kʋʋd hal sɩngrẽ.’ (5. Bõe yĩng tɩ kũum vʋʋgrã na n kɩt t’a Zeova yʋʋrã paam pẽgre?
5 Sẽn pʋgde, a Zeova na n kɩtame t’a yʋʋrã paam pẽgre. A Sʋɩtãan sãama Wẽnnaam yʋʋrã la a yelgd zɩlem-beedo. A yagame t’a Ãdem ne a Hawa sã n dɩ tɩɩg ning biig Wẽnnaam sẽn gɩdg-b tɩ b ra rɩ wã, b “ka na n ki” ye. (Sɩngre 2:16, 17; 3:4) Rẽ tɛka, a Sʋɩtãan kell n talla ziri yagbo. Wala makre, a kɩtame tɩ b zãmsd nebã tɩ ninsaal tara sɩɩg sẽn pa kiidi. La ne kũum vʋʋgrã maasem, a Zeova na n puka a Sʋɩtãan zɩlem-beedã fãa. A na n kɩtame tɩ b bãng tɩ yaa yẽ a Zeova bal n tõe tɩ ned kell n vɩɩmde, la tɩ yẽ n tõe me tɩ kũum vʋʋge.
6, 7. A Zeova tʋll n maana bõe sẽn ki-bã yĩnga, la bõe yĩng tɩ d yet woto?
6 Sẽn paase, a Zeova rata sẽn ki-bã vʋʋgr ne a sũur fãa. Biiblã wilgda a Zeova tagsg sẽn yaa a soab sẽn ki-bã wɛɛngẽ vẽenega. Wala makre, Wẽnnaam da vẽenega a Zoob sẽn yɩ ned sẽn sak-a ne a sũur fãa wã t’a yeel woto: “Ned sã n ki, a tõe n le vʋʋgame bɩ? A sã n da yaa woto, mam da na n yaasame hal tɩ m tooga sɛ. La yãmb sã n bool maam, mam na n sakame. La y na n nonga maam tɩ m yaa y nug-tʋʋmde.” (Zoob 14:14, 15) A Zoob gom-kãensã rat n yeelame tɩ bõe?
7 A Zoob ra miime t’a sã n maan yõore, a na n zĩnda yaoogẽ n gũ. A boola gũub wakat kãng tɩ ‘toog’ wakate, sẽn dat n yeel bal tɩ yaa tɩlae t’a pa yaoogẽ hal tɩ b wa vʋʋg-a. A Zoob Luk 23:43; Zã 5:28, 29) Sẽn yaa Wẽnnaam daab la woto wã, ãnd soab n tõe n gɩdg a pidsgu?
yamẽ, ra yaa vẽeneg tɩ Wẽnnaam na n wa vʋʋg-a lame. A yam da pa yood ne rẽ ye. Bõe yĩng t’a ra kɩs sɩd woto? A ra mi a Zeova tagsg rẽ zugu. A Zoob yeelame t’a Zeova na n tʋlg n le yã a tʋm-tʋmdã a sẽn nongã. N-ye, Wẽnnaam sɩd tʋll n vʋʋga nin-tɩrsã fãa. A na n vʋʋga neb a taab me sẽn da pa yɩ tɩrse, tɩ b sã n lebg sakdb bɩ b wa paam n vɩɩmd wakat sẽn kõn sa tẽng zug arzãnã pʋgẽ. (8. Bõe la a Zeova maan n wilg-d tɩ sẽn ki-bã vʋʋgrã yaa waaziba?
8 A Zezi vʋʋgrã me kɩtame tɩ d tõe n kɩs sɩd tɩ kũum vʋʋgrã yaa waaziba. A Poll da sõsa ne zãma Atɛn n yeel woto: “Wẽnnaam yãka raar tɩ rao ninga bãmb sẽn yãkã na n kao dũniyã bʋʋd tɩrga. La bãmb kõo neba fãa bãnd sẽn wilgd tɩ bõn-kãng yaa sɩda b sẽn vʋʋg a Zezi wã yĩnga.” (Tʋʋma 17:31) A Poll sẽn gom kũum vʋʋgr yellã, a kɛlgdbã kẽer laa-a lame. La baasgo, sãnda lebga tẽedba. Tõe tɩ yaa b sẽn bãng vẽeneg tɩ kũum vʋʋgrã yaa waazibã n yɩ-b noogo. A Zeova sẽn vʋʋg a Zezi wã, yɩɩ yel-solemd sẽn yaa kãseng tɛkẽ la a sẽn maana. A vʋʋg-a-la ne malɛk yĩnga. (1 Korẽnt dãmba 15:44) A Zezi Wẽnnaam sẽn vʋʋgã paama pãng la ziir n yɩɩd a sẽn da wa n be saasẽ n nan pa wa tẽng zugã. A pa le tõe n ki ye. Sẽn paase, yaa a Zeova a ye bal n yɩɩd-a. Woto kɩtame tɩ masã, a tõe n tʋm tʋʋm kãsems a Ba wã sẽn na n bobl-a. Yaa ne a Zezi maasem la a Zeova na n vʋʋg sẽn ki-bã fãa, neb nins sẽn na n vʋʋg n tɩ vɩɩmd saasẽ wã, la sẽn na n vʋʋg-b n vɩɩmd tẽng zugã. A Zezi meng yeela woto: “Mam yaa vʋʋgre, la vɩɩm.” (Zã 5:25; 11:25) A Zeova sẽn vʋʋg a Bi-riblã, a kõ-d-la kaset vẽeneg tɩ ned ning fãa sẽn maand a raabã sã n ki, a na n vʋʋg-a lame.
9. Wãn-wãn la b wilgd Biiblã pʋgẽ vẽeneg tɩ sẽn ki-bã na n vʋʋgame?
9 Bʋʋm a to yaa tɩ b zoe n vʋʋga neb zãma taoore, tɩ rẽ kibay be Wẽnnaam Gomdã pʋgẽ. Biiblã tara kibay a nii sẽn wilgd neb sẽn da ki tɩ b vʋʋg-b tɩ b lebs n zĩnd tẽng zug ka. B pa solg n maan yel-solem-kãens ye, naoor wʋsgo, yɩɩ zãma taoor tɩ neb maan kaseto. A Zezi vʋʋga a Lazaar sẽn da ki tɩ maan rasem a naasã zãma sẽn da kʋmd a kʋʋrã taoore. Yɩɩ raoã roagdba, a zo-rãmba, a yags la neb a taab nifẽ. Rẽ wilga vẽeneg tɩ yaa Wẽnnaam n sɩd tʋm a Zezi. Tũudmã taoor dãmb sẽn da kis-a wã meng pa tõog n kɩɩs t’a vʋʋga a Lazaar ye. Hal menga b baoome n na n kʋ a Zezi ne a Lazaar fãa! (Zã 11:17-44, 53; 12:9-11) Hakɩka, d tõe n kɩsa sɩd tɩ kũum vʋʋgrã yaa waaziba. Wẽnnaam kɩtame tɩ b gʋls kiba-kãensã sẽn wilgd b sẽn da vʋʋg kũ-rãmb pĩndã n na n keng d raood la d tẽebo.
D sẽn tõe n maan to-to tɩ kũum vʋʋgrã bels-do
10. Wãn to la d tõe n maan tɩ kũum vʋʋgrã kibay sẽn be Biiblã pʋgẽ wã bels-do?
10 Y sã n wa tar zu-loɛɛg tɩ wõnd tɩɩm kae tɩ pa tũ ne y yõore, y tʋlla belsg ne y sũy fãa. Biiblã kibay nins sẽn gomd kũum vʋʋgrã yellã tõe n kõ-y-la bels-kãnga. Y sã n karem-b la y bʋgs b zutu, n mams vʋʋg kãens sẽn yɩ to-to wã y yamẽ, na n kɩtame tɩ y kɩs sɩd tɩ kũum vʋʋgrã yaa waaziba. (Rom dãmba 15:4) Kiba-kãensã pa soalem ye. B sẽn vʋʋg b rãmbã yaa neb wa tõndo, sẽn sɩd zĩnd tẽng zug ka. D pʋd n tags Biiblã pipi kibar ning sẽn gomd kũum vʋʋgr yellã zug bilf n gese.
11, 12. a) Yel-bʋg n paam Sarepta pʋg-kõorã, la a manesem yɩɩ wãn pipi? b) Bilg-y-yã a Zeova sẽn kõ a Eli pãng t’a maan bũmb nins n kõ pʋg-kõorã.
11 Mams-y yɛlã sẽn yɩ to-to wã y yamẽ n
gese. Yaa sẽn da zems semen a wãn la no-rɛɛs a Eli ra tɩ sig sãand pʋg-kõor a ye zakẽ Sarepta soolmẽ wã. Ra yaa toog wakate. Kom la war n da kẽ tẽngã hal tɩ nebã ra kiid wʋsg wʋsgo. A Zeova ra zoe n kõ a Eli tõog t’a maan yel-solemd n dol pʋg-kõorã, a sẽn tẽ t’a Eli yaa yẽ no-rɛɛs n sak n deeg-a sãandã yĩnga. Pʋg-kõorã ne a biigã ra na n dɩ b rɩ-tɛk la b ki, t’a Eli kɩt tɩ zom ne kaam bilf b sẽn da tar kell n pa tol n sa n tãag warã saabo. La yel-beed n wa n paam pʋg-kõorã. Bãag n tiig n yik a biigã t’a maan kaalem. Mams-y n ges-y pʋg-kõorã sũ-sãang sẽn yɩ to-to wã! A sɩdã sẽn kaeyã yĩnga, yɛlã ra reng n pa nana ne-a ye, t’a bi-yendã me ki n bas-a. A sũ-sãangã kɩtame meng t’a ning a Eli ne a Wẽnnaam a Zeova taale! No-rɛɛsã ra na n maana wãn ne yel-kãngã?12 A Eli pa bao n na n zab pagã a sẽn ning yẽ ne Wẽnnaam taalã yĩng ye. A leok-a-la woto bala: “Wa ne f biiga ka.” A Eli reega biigã n dʋ yẽ ro-gãagẽ wã n pʋʋs Wẽnnaam n kos-a t’a lebs n kõ biigã yõore. A pʋʋsame n kaoos hal t’a Zeova wa reeg a pʋʋsgã! Tags-y n ges-y-yã a Eli sũur sẽn yɩ noog to-to biigã sẽn yikã. Bi-riblã vʋʋgame t’a nina puki, t’a Eli tall-a n sig n yeel a ma wã woto: “Gese, fo biiga vʋʋgame.” Pagã sũ-noog ra pa tõe n bilg ye! A yeel-a woto: “Masã, mam miime tɩ yãmb yaa Wẽnnaam neda, la Zusoaba goama sẽn yit yãmb noorẽ wã yaa sɩda.” (1 Rĩm dãmba 17:8-24) A maneg n kɩsa sɩd ne a Zeova la ne a no-rɛɛsã n paase.
13. Bõe yĩng tɩ kibar ning sẽn wilgd a Eli sẽn vʋʋg pʋg-kõor biigã segd n bels tõnd rũndã-rũndã?
13 D sã n bʋgsd kiba-kãensã buudã zutu, tõe n bels-d-la wʋsgo. Hakɩka, b wilgda vẽeneg t’a Zeova tõeyã kũumã sẽn yaa d bɛ wã! Tags-y n ges-y kũum vʋʋgrã sasa nebã sã n wa ne sẽn ki-bã sẽn vʋʋgde! Neb ka tɛk sũy na n yɩɩ noog wa pʋg-kõorã. A Zeova sã n wa kõ a Bi-riblã noor t’a pids bõn-kãngã, malɛgsã sẽn be saasẽ wã me na n kɩdma wʋsgo. (Zã 5:28, 29) Rẽ yĩnga, y ned n maan kaalem bɩ? Sã n yaa woto, d sẽn mi t’a Zeova tõe n vʋʋga sẽn ki-bã la d miẽ t’a sɩd na n vʋʋg-b lame wã, sigsda sũy wʋsgo!
D saagrã sẽn tõe n naf-d to-to masã tɛka
14. Wãn-wãn la d tõe n wilg tɩ d kɩsa sɩd tɩ sẽn ki-bã na n vʋʋgame?
14 D sẽn kɩs sɩd tɩ sẽn ki-bã na n vʋʋgame wã, wãn to la tõe n naf-d masã tɛka? D sã n wa be toog pʋgẽ wall d maood ne zu-loeese, pa rẽ bɩ b sã n wa namsd-d d tẽebã yĩnga, d sẽn tẽed vʋʋgrã tõe n sõng-d lame. A Sʋɩtãan datame tɩ d zoet kũumã wʋsgo, tɩ kɩt tɩ d tõe n sak n kɩɩs Wẽnnaam n bao d yõorã. Tẽeg-y t’a yeela a Zeova tɩ “ned na n dɩka a sẽn tar fãa n kõ a vɩɩm yĩnga.” (Zoob 2:4) A Sʋɩtãan sẽn yeel woto wã, a kãnega tõnd fãa. Yãmb me naagame. Rẽ yĩnga yaa sɩd tɩ sã n wa yaa yõor yelle, y na n sak n basa Wẽnnaam tũub bɩ? Y sã n sɩd kɩsa sɩd tɩ kũum na n vʋʋgame, y na n tõog n kell n maana y saasẽ Ba wã raab n da viig ye.
15. Wãn to la bũmb ning a Zezi sẽn yeel Matɩe 10:28 pʋgẽ wã tõe n bels-do?
15 A Zezi yeela woto: “Bɩ y ra zoe neb nins sẽn kʋʋd yĩngã la b ka tõe n kʋ sɩɩga ye. Sẽn yɩɩda bɩ y zoe sẽn tõe n sãama sɩɩga ne yĩngã yiib fãa [Zeɛnã, NW].” (Matɩe 10:28) D pa segd n zoe a Sʋɩtãan ne a tẽng zug poorẽ dãmbã ye. Yaa sɩd tɩ nin-kãens kẽer tõe n maan-d-la wẽng wall b kʋ-d menga. La baasg zãnga, wẽng ning fãa b sẽn maan tõnd na n paama manegre. A Zeova tõe n manega yell buud fãa sẽn paam a nin-buiidã, la a tõe n vʋʋg-b menga. Yaa a Zeova bal la d segd n zoe la d waoog ne waoogr sẽn yaa kãsenga. Yaa yẽ bal n tõe n sãam yĩng la sɩɩg Zeɛn. Rat n yeel tɩ yaa yẽ a ye bal n tõe tɩ ned ra paam vɩɩm ning sẽn wat beoog daarã. Zu-noogo, a Zeova pa rat tɩ d ned baa a ye kong vɩ-kãngã ye. (2 Pɩɛɛr 3:9) Tõnd sẽn yaa Wẽnnaam nin-buiid la d miẽ tɩ kũum na n vʋʋgame wã, d segd n kɩsa sɩd wakat fãa tɩ baa d sã n ki, a na n wa vʋʋg-d lame. D sã n kell n sak Wẽnnaam, baa fʋɩ kae a Sʋɩtãan bɩ a poorẽ dãmbã sẽn tõe n maan n kɩt tɩ d ra paam vɩɩm sẽn kõn sa wã Wẽnnaam sẽn pʋlem-dã ye.—Yɩɩl Sõamyã 118:6; Hebre dãmba 13:6.
16. Wãn-wãn la d wilgd ne bũmb nins d sẽn lʋɩɩsd taoorã tɩ d kɩsa sɩd tɩ kũum vʋʋgr na n zĩndame?
16 D sã n kɩsa sɩd ne d sũur fãa tɩ kũum vʋʋgr na n zĩndame, tõe n toeema d sẽn get vɩɩmã to-to wã. Bala d miime tɩ d vɩ tɩ d yaa kũum me, d yaa a Zeova rẽnda. (Rom dãmba 14:7, 8) Woto yĩnga, d sã n wa yãkd bũmb nins d sẽn dat n lʋɩɩs taoor d vɩɩmã pʋgã, d na n tũu saglg ning a Poll sẽn kõ-dã. A yeela woto: “Bɩ y ra yɩ wa dũniyã rãmb ye, bɩ y bas tɩ Wẽnnaam tek yãmb yamã n maneg-y zãnga tɩ y bãng Wẽnnaam daab sẽn yaa sõma, la sẽn tat bãmb yam, la sẽn zems zãnga.” (Rom dãmba 12:2) Neb wʋsg modgda ne b pãng fãa n na n paam bũmb nins b sẽn datã, la b baood n pids b tʋlsem buud fãa tao-tao. B sẽn get tɩ ninsaal yõorã yaa koɛɛgã yĩnga, wõnda wa b getame tɩ b pa tõe n paam n noog b yõor meng tɩ sek ye. La baa nin-kãens sã n tara tũudum me, yaa vẽeneg t’a pa zems ne ‘Wẽnnaam daabã’ lae-lae ye.
17, 18. a) Wãn-wãn la Wẽnnaam a Zeova wilgd a Gomdã pʋgẽ tɩ ninsaal yõor sɩd yaa koɛɛga, la bõe la a pʋlem-do? b) Bõe yĩng tɩ d pẽgd a Zeova daar ne a to fãa?
17 Yaa sɩd tɩ ninsaal yõor sɩd yaa koɛɛga. A “loogda tao-tao, tõnd loogdame.” D vɩɩmã tõe n teka yʋʋm 70 wall 80 bala. (Yɩɩl Sõamyã 90:10) Ninsaal vɩɩmã yaa wa mo-maas sẽn pa zaeed kʋɩɩse, a yaa wa walem, pa rẽ bɩ wa maasem sẽn loogde. (Yɩɩl Sõamyã 103:15; 144:3, 4) La Wẽnnaam da pa rat tɩ ninsaal sã n dog bɩ a bɩ, n paam yam la bãngr n vɩɩmd yʋʋm pis-wãn bala, tɩ rẽ poor bɩ a bẽ la a ki ye. A Zeova naana ninsaal n ning vɩɩm sẽn kõn sa tʋlsem a yamẽ wã. Biiblã yet-d lame t’a ‘ninga wakat sẽn ka sɛt tagsg ninsaal sũurẽ.’ (Koɛɛg Soaba 3:11) Rẽ yĩnga Wẽnnaam maana wẽng a sẽn naan tõnd n ning tʋlsem kãngã d yamẽ wã bɩ? Ayo, bala “Wẽnnaam yaa nonglem.” (1 Zã 4:8) Ne kũum vʋʋgrã maasem, a na n kɩtame tɩ sẽn ki-bã tõog n paam n vɩɩmd wakat sẽn kõn sa.
18 D sẽn mi tɩ baa d sã n ki d na n vʋʋgame wã yĩnga, d pa baood n maan d raabã fãa rũndã-rũndã ye. D pa baood n dɩ d zãmaanã yõod tɩ sek-d ye. (1 Korẽnt dãmba 7:29-31; 1 Zã 2:17) Tõnd pa maand wa neb nins sẽn pa mi tɩ sẽn ki-bã na n vʋʋgame wã ye, bala d miime tɩ Wẽnnaam a Zeova pʋlmame tɩ d sã n kell n sak-a, d na n wa paam n vɩɩmda wakat sẽn kõn sa ne sũ-noogo, n pẽgd-a wakat fãa. Woto yĩng bɩ d pẽgd a Zeova daar ne a to fãa, a sẽn kɩt tɩ d miẽ tɩ kũum vʋʋgrã yaa waazibã!
Y na n leokame tɩ bõe?
• Kũum vʋʋgrã wɛɛngẽ, d tõe n kɩsa sɩd ne bõe?
• Bõe n kɩt tɩ d tõe n kɩs sɩd tɩ kũum vʋʋgrã yaa waaziba?
• Wãn to la d tõe n maan tɩ kũum vʋʋgrã bels-do?
• Wãn to la d sẽn kɩs sɩd tɩ kũum vʋʋgrã yaa waaziba tõe n toeem d sẽn get vɩɩmã to-to wã?
[Zãmsgã sogsgã]
[Foto, seb-neng 20]
A Zoob ra miime t’a Zeova tʋll n vʋʋga nin-tɩrsã
[Foto, seb-neng 23]
“Gese, fo biiga vʋʋgame”