Yãmb mii y saasẽ Ba wã bɩ?

YÃMB mii y ba-​roakã sõma bɩ? Yãmb sã n bɩɩ zak nebã fãa sẽn nong taab pʋgẽ, y tõe n tagsdame tɩ woto pa bũmb sẽn na sok ye. Tõe tɩ y na n yeelame tɩ ned kae n mi-a n ta yãmb ye! Yaa sɩd tɩ neb wʋsg mii b ba sẽn nong la a sẽn kis bũmb ninsi, a manesem sẽn yaa to-to yɛl kẽer pʋsẽ, la a sẽn get zakã rãmb yell to-to.

Wakat ninga a tõe n talla manesem zẽng yell ning pʋgẽ tɩ ling yãmb wʋsgo. Wala makre, biig tõe n miime t’a ba yaa sũ-bʋgsem soaba, la nin-​nana hal tɩ yel-​kãseng wa yiki. Zĩig pʋgẽ a yãta a ba wã sẽn yik ne raood n dat n kogl a zakã rãmba.

Yãmb mii d Naandã sõma bɩ? Biiblã yeta tõnd tɩ yaa yẽ n kɩt tɩ “d tar vɩɩm la d tõe n kẽne la d beẽ.” (Tʋʋma 17:28, Kãab-​Paalgã Koe-​noogo) Sẽn yaa Wẽnnaam n kõ tõnd vɩɩmã, d tõe n yeelame t’a yaa sẽn vɩ-​bã fãa ba. (Ezai 64:7) Sã n mikame tɩ yãmb me tagsda woto, segdame la yaa sõma wʋsgo. La yɛl wʋsg n be d sẽn segd n bãng Wẽnnaam zug d mens nafr la d sũ-noog yĩnga.

Yãmb sẽn get y ba-​roakã to-to la y waoogd-a wã bee ne y sẽn mi-a tɩ ta zĩig ningã. Y sã n bãng Wẽnnaam me sõma, yãmb ne-a zoodã pãng na n paasame. Yãmb sã n bao n bãng Wẽnnaam sõma la y maand a raabã, a na n sõng-y lame tɩ y mao ne zu-​loeesã.

Yãmb mii Wẽnnaam sẽn yaa a soab bɩ? A manesmã segd n kɩtame tɩ y maan bõe? Y sã n bãng Wẽnnaam, rẽ yĩnga bũmb n be n yaa tɩlae tɩ y maan bɩ? Y na n paama sogs-​kãensã leoor sõsg ning sẽn pʋgdã pʋgẽ.

[Goam sẽn tar pãngã, seb-neng a 3]

Yamb sẽn na n nong ned la y waoogd-a to-to wã bee ne yãmb sẽn mi-a tɩ ta zĩig ningã