Sogsg Biiblã sẽn leokde
Sɩnga wãn t’a Sʋɩtãan wa beẽ?
Wẽnnaam pa naan a Sʋɩtãan ye. La yaa yẽ n naan malɛk ning sẽn wa n lebg Sʋɩtãanã. Biiblã wilgame t’a Sʋɩtãan reng n yɩɩ malɛg-sõngo. Rẽnd nand t’a lebg Sʋɩtãanã, a ra naaga malɛg-sõma wã Wẽnnaam sẽn boond t’a kom-dibli wã.—Karm-y Ezekɩɛll 28:15.
Maana wãn tɩ malɛg-sõng wa lebg wẽnga?
Malɛk ning sẽn lebg a Sʋɩtãanã yãka yam n kɩɩs Wẽnnaam la a tus d yaab a Ãdem ne a Hawa tɩ bãmb me kɩɩse. Rẽnd yaa yẽ n yãk yam n lebg a Sʋɩtãana, rat n yeel tɩ “kɩɩsda.”—Karm-y Sɩngr 3:1-5; Wilgr 12:9.
Wẽnnaam naana malɛgsã la ninsaalbã tɩ b tõe n yãk yam n maan sõma wall wẽnga. La malɛk ning sẽn lebg a Sʋɩtãanã wa n yik n datame tɩ b waoogd-a wa Wẽnnaam. A tʋlga ziir ning a sẽn da ratã wʋsg tɩ Wẽnnaam sakr wa pa le pak-a ye.—Karm-y Matɩe 4:8, 9; Zak 1:13, 14.
Wãn to la a Sʋɩtãan belgd nebã rũndã-rũndã? D segd n zoe-a lame bɩ? Y tõe n paama sogs-kãensã leoor Biiblã pʋgẽ.
Découvrez aussi…
SOGSG BIIBLÃ SẼN LEOKDE
Yaa Sʋɩtãanã n so ninsaalbã bɩ?
Bõe la Sʋɩtãan maan n tudgd nebã, la wãn to la d tõe n kogl d mense?
GŨUSG GASGÃ
D segd n zoee a Sʋɩtãan bɩ?
Wẽnnaam maana bũmb wʋsg n na n sõng-d t’a Sʋɩtãan ra tõog-d ye.
