Yʋʋmd 2023 wã sẽn sɩngã, tõnd fãa saagdame tɩ tõnd ne d zakã rãmb na n paama bõn-sõma buud toor-toore. Bõe yĩng tɩ d tõe n tẽed manegr beoog-daarã wɛɛngẽ?

 Biiblã togsda koe-noogo, n wilgdẽ tɩ zu-loees nins fãa d sẽn maood ne rũndã-rũndã wã yaa wakat bilf yĩnga, la tɩ na n saa ka la bilfu. Sɩd me, b gʋlsa Biiblã tõnd zãmsg yĩnga, sẽn na yɩl tɩ ne. . . Gʋls-sõamyã belsgã maasem, d tõe n saag tɩ manegr n wate.”—Rom dãmbã 15:4.

•   Y sã n dat n bãng bũmb nins b sẽn pʋlem tɩ be Biiblã pʋgẽ wã n paase, bɩ y karem sõsg ning gom-zug sẽn yaa: “Une espérance réelle pour des jours meilleurs.”

 Biiblã sẽn sõngd tõnd tɩ d tẽed manegrã yaa wa “baar tõnd vɩɩmã” yĩnga. (Ebre-rãmbã 6:19, notã) Tõnd sẽn tẽed manegrã tõe n sõnga tõnd tɩ d yals kãn-kãe tẽebã wɛɛngẽ. Tõe n sõng-d lame tɩ d mao ne d zu-loeesã rũndã-rũndã, tɩ d tall yam-sõngo, la d paam sũ-noog sẽn na n kaoos wakat fãa. Wala makre:

•   Ges-y Biiblã sẽn yetã sẽn sõng rao a yembr to-to t’a bas dorgã la rãamã yũubu. Ges-y video wã: M yamã ra yii m vɩɩmã.

•   Ges-y Biiblã sẽn yetã sẽn tõe n sõng d to-to d ned sã n wa maan kaalem. Ges-y video wã: Y tõe n paama belsgo, y ned sã n maan kaalem.

 Neb wʋsg saagdame tɩ b na n paama bõn-sõma buud toor-toore. La b pa tõe n kɩs sɩd zãnga, tɩ b sẽn saagd bũmb ninsã na n sɩd pidsame ye. La bũmb nins Wẽnnaam sẽn pʋlem tɩ be Biiblã pʋgẽ wã yaa toore. Bõe yĩnga? Bala bũmb nins b sẽn pʋlem tɩ be Biiblã pʋgẽ wã yita Wẽnnaam a Zeova a “sẽn pa tõe n yag ziri wã” nengẽ. (Tɩte 1:2) Yaa a Zeova a ye tãa n tar tõog n tõe n pids bũmb nins fãa a sẽn pʋlmã. A tõe n maana “bũmb ning fãa sẽn noom-a.”—Yɩɩn-sõamyã 135:5, 6.

 D sagend-y lame tɩ y bao n bãng bũmb nins fãa b sẽn pʋlem tɩ be Biiblã pʋgẽ wã beoog-daarã wɛɛngẽ, tɩ naf-yã. Y sã n ‘maagd y yĩns n vaeesd Gʋls-sõamyã’ wã, na n sõng-y lame tɩ y maneg n kɩs sɩd ne bũmb nins b sẽn pʋlem tɩ be Biiblã pʋgẽ wã. (Tʋʋma 17:11) Sẽn na yɩl n tõog n maan dẽ, modg-y n sɩng-y Biiblã zãmsg ne a Zeova Kaset soaba. Yʋʋmd 2023 wã sẽn sɩngã, bɩ y kell n tẽ tɩ manegr n wate!