“Tẽngã sẽn sãamd n dabda kɩtame tɩ vɩɩmã lebg toog ne ninsaalbã la bõn-vɩɩs a taabã. Vɩɩmã lebgda toog tẽnsã pʋsẽ me. Tẽngã gill zugu, zĩigã sẽn wɩngdã kɩtame tɩ seb-kãsems sẽn tar pãng sãamd neb zags la bũmb nins sẽn sõngd-b tɩ b paamd b noor dɩɩbã. Mogrã koomã sẽn wɩngdã tõe n kɩtame tɩ bõn-vɩɩs kẽer ki.”—A Inger Andersen (sous-secrétaire générale des Nations unies et directrice exécutive du Programme des Nations unies pour l’environnement) n yeele, yʋʋmd 2023 sẽoog kiuug rasem 25.

 Rẽ yĩnga, goosneema-rãmbã tõe n naaga taab n ges tẽngã sẽn sãamdã yell bɩ? B na n tõog n welga yel-kãngã wakat fãa yĩng bɩ?

 Biiblã yeelame tɩ goosneema n be n tõe n lebs n maneg tẽngã sẽn sãamdã, la t’a na n maana woto. A yeelame tɩ “saasẽ Wẽnnaamã na n lugla rĩung” sẽn yaa goosneema sẽn na n ges tẽngã fãa yelle. (Dãniyɛll 2:44) Goosneema-kãng sã n wa rɩt naam dũniyã gill zugu, ned “pa na n maan wẽng buud baa a ye” wall n sãam bũmb baa a ye tẽngã zug ye.—Ezayi 11:9.