LISGU B na n basa zaoos sẽn na n deeg-b lisgã yĩng ɛstaraadã taoore. Kibar a to sã n wa beẽ, b na n togsame. Sibrã yibeoogo, sẽn dat-b n deeg lisgã segd n tɩ zĩnda zĩis nins b sẽn bas b yĩngã, tɩ lisgã sõsg nan pa sɩng ye. Ned kam fãa segd n waa ne fuug sẽn sakd gesgo, a sẽn na n yeelg n kẽ koomẽ wã, la a sɛrvɩɛte.

SẼN DEEGD-B NEBÃ Sẽn deegd-b nebã bee yãmb sõngr yĩnga. D bõos tɩ y sak n tũ b sẽn wilgdã sõma, wiidi wã la mobilã gaargã, nebã kẽn tigis-kãsengã zĩigẽ la yɛl a taab wɛɛngẽ.

TE-YÃTMÃ ZĨIGA Y sã n yã bũmb n dɩk bɩ y tɩ kɩs sẽn get-b te-yãtmã yellã. Yãmb bũmb sã n menem bɩ y kẽng be n tɩ gese. B segdame me n peeg kamb nins sẽn menemã n kẽng be. Sẽn na yɩl tɩ zu-loees a woto ra wa zĩndi, d bõosd-y lame tɩ y gũ y kambã la y ra bas-b tɩ b saad ye.

TƖBSGO D tẽegd-y lame tɩ tɩbsgã zĩigã bee yel-pakr yĩng bala.

YAMLEOOG KŨUNI B yiisa ligd wʋsg sẽn na yɩl tɩ zaoosã, aparɛy-rãmbã, la bũmb fãa yɩ sõma, tɩ d tigis-kãsengã tall yamleoogo, la sõng tɩ tõnd ne a Zeova zoodã pãng paase. Yãmb yamleoog kũunã sõngdame tɩ b maand depãens-kãensã, leb n teenda tʋʋmdã dũniyã gill zugu. Sẽn na yɩl tɩ yɩ nana ne-yã, kogend la b rɩgl zĩig-zĩiga. Y tõe n kẽe donate.pr418.com pʋgẽ me n kõ kũuni. D nanda y kũunã fãa y sẽn kõt ne yamleoogã wʋsgo. Siglgã taoor lʋɩtb Sull pʋʋsd-y-la barka, y sẽn kõt kũun n teend Wẽnnaam tʋʋmdã.

YAMLEOOG TƲM-TƲMDBA Tigis-kãsengã sasa, y sã n dat n sõng ne tʋʋmã, d bõos tɩ y tɩ yã neb nins sẽn get rẽ yellã.

ZAOOSÃ D bõos tɩ y tags y taabã yelle. Tẽeg-y tɩ y pa segd n bĩng zaoos tɩ sã n pa neb nins sẽn tog sor ne yãmbã yĩnga, bɩ y zakã ned wall y Biibl karen-biig yĩng ye. Da rogl-y baa fʋɩ zaoosã zugu, sẽn na yɩl tɩ neb nins sẽn baood zĩisã tõog n bãng tɩ yaa zĩ-vɩɩdo.