BABG A 2
Sa-kãsengã niib n tãag Ezipt yiibu
Yaa neb a nii bal n põs sa-kãsengã. La tarẽ-n-tarẽ, nebã wa n lebga wʋsgo. Yaa yʋʋm kobs-tã la pis-nu la a yiib sa-kãsengã loogr poor la a Abrahaam rog-yã. Wẽnnaam pʋlm-a lame t’a na n paama bi-ribl sẽn boond t’a Izaake. D na n yãa Wẽnnaam sẽn sɩd pids a pʋlengã to-to. A Izaak paama kamb a yiibu, a Ezayu ne a Zakoobe. Wẽnnaam da nonga a Zakoobe.
A Zakoob paama kom-dibli 12, la kom-pugli me. Kom-dibli wã sʋka, bãmb piig n da pa nong b yao a Zozɛfe, tɩ kɩt tɩ b koos-a t’a tɩ lebg yamb Ezipti. Kaoosg zugẽ, a Zozɛf lebga nin-kãseng Ezipti. Kom n wa n zĩndi, t’a Zozɛf na n mak a kẽem dãmbã n ges b sã n toeema zʋgo. Tarẽ-n-tarẽ, b wa n boonda a Zakoob zakã neb tɩ Israɛll neba. La yʋʋm kobs-yi la pis-wɛ a Abrahaam rogmã poore, b fãa yik n kẽnga Ezipti.
Israɛll nebã vɩɩmda Ezipt yʋʋm kobs-yi la piig la a nu. A Zozɛf kũumã poore, b lebga yembse. Sẽn wa n beẽ-n-beẽ, biig n dog tɩ b pʋd a yʋʋr t’a Moiizi. Yaa yẽ la Wẽnnaam wa n tʋm t’a tɩ yiis Israɛll nebã Ezipti. Kibay nins fãa sẽn be babg a yiib soabã pʋgẽ wã zĩnda yʋʋm kobs-nii la pis-nu la a yopoe pʋgẽ.
BAB-KÃNGÃ PƲGẼ
KIBAR 12
Nebã meta gasgo
Wẽnnaam sũur pa yɩ noog ye, la sɩbgr ning a sẽn sɩbg-bã ket n namsda ninsaalbã hal ne rũndã.
KIBAR 13
A Abrahaam
Bõe yĩng t’a Abrahaam sak n bas naar vɩɩm n na n tɩ vɩɩmd fu-roog pʋg a yõor tɛka?
KIBAR 14
A Abrahaam tẽe wẽnde
Bõe yĩng tɩ Wẽnnaam kos a Abrahaam t’a rɩk a biig a Izaak n maan maoongo?
KIBAR 16
A Izaak paama pʋg-sõngo
Bõe n kɩt t’a Rebeka ra yaa pʋg-sõngo? Yaa a neermã bɩ, bɩ bũmb a to?
KIBAR 17
A Ezayu ne a Zakoobe
B ba a Izaak ra nonga a Ezayu wʋsgo, la b ma a Rebeka ra nonga Zakoob wʋsgo.
KIBAR 18
A Zakoob rebda Harã
Baa sẽn da yaa a Rasɛll la a Zakoob nongã, yɩɩ ne a Lea la a reng n kẽ kãadem.
KIBAR 19
A Zakoob zakã neb lebga wʋsgo
Rẽ yĩnga, yaa a Zakoob kom-dibli 12 yʋy la b pʋd Israyɛll buud 12 bɩ?
KIBAR 22
A Zozɛf bee bãens roogẽ
Pa a sẽn kɩɩs noor la b sẽn kẽes-a bãens roogã ye, yaa a sẽn maan sẽn yaa tɩrg yĩnga.
KIBAR 24
A Zozɛf ne a ba-biisã
Bõe n da na n sõng-a t’a bãng tɩ b sẽn koos-a yembdã poore, b toeemame?
KIBAR 25
A Zakoob kẽnga Ezipti
Bõe yĩng tɩ b boond a Zakoob roogã rãmb tɩ Israɛll neba, n pa boond-b t’a Zakoob neba?
KIBAR 26
Wẽn-sakd a Zoobe
A Zoob bõna a paoongã, n lʋɩ bãaga, la a bõn a kambã. Yaa Wẽnnaam n da sɩbgd a Zoob bɩ?
Kibar 27
Ezipt paama na-toaaga
Bõe yĩng t’a yeel a neba tɩ b kʋ Israɛll kom-peels nins sẽn yaa kom-dibli wã fãa?
KIBAR 28
A Moiiz sẽn põs to-to
A ma wã bãng a sẽn tõe n maan to-to n gil noor ning b sẽn yiis n yeel tɩ b kʋ Israɛll kom-peels nins sẽn yaa kom-dibli wã.
KIBAR 29
Bõe yĩng t’a Moiiz zoetẽ?
A Moiiz sẽn wa n tar yʋʋm 40, a ra tagsdame t’a segl n saame n na n fãag Israɛll nebã, la a ra nan pa segl n sa ye.
KIBAR 30
Tuug sẽn wit bugum
Wẽnnaam tũnuga ne yel-soalem toor-toore nwilg a Moiiz tɩ wakat taame t’a segd n lʋɩ Iraɛll nebã taoor n yiis-b Ezipt.
KIBAR 32
Yel-beed piigã
Wẽnnaam kɩtame tɩ yel-beed piig paam Ezipte, bala Ezipt naab a Faraõ rigla a sũur n zãgs t’a kõn bas Israyɛɛl nebã tɩ b loog ye.
