BABG A 5
Israɛll nebã yembdã Babilonnã, n tãag Zerizalɛm lalsã meebo
Israɛll nebã sẽn da yaa yembs n be Babilonnã, b paama zu-loees wʋsgo, b sẽn da tũud Wẽnnaamã yĩnga. B loba a Sadrak, a Mesak la a Abɛdnego bugum pʋgẽ, la Wẽnnaam fãag-b lame. Meed ne Pɛrs rãmbã sẽn wa n zab n deeg Babilonnã poore, b loba a Daniɛll gɩgma bokẽ, la Wẽnnaam muma gɩgma wã noy tɩ b ka wãb-a ye.
Israɛll nebã sẽn kẽng yembd Babilonnã yʋʋm 70 poore, Pɛrs naab a Sirus wa n yiis-b-la yembdã n bas-b tɩ b leb b ba-yirã. B sẽn ta Zerizalɛmmã, pipi b reng n sɩngame n na n me a Zeova roogã. La pa yã n kaoos la bɛɛb wa n na n gɩdg-b ye. Kɩtame tɩ b sẽn leb Zerizalɛmmã, maana yʋʋm 22 tɩ b yaool n na n tõog n me wẽnd-doogã n sa.
Rẽ poore, a Ɛsdras na n wa kẽnga Zerizalɛm n tɩ maneg wẽnd-doogã. Yaa wẽnd-doogã sẽn me n sa tɩ yʋʋm 47 la a Ɛsdras na n maan dẽ. Yʋʋm 13 rẽ poore, a Nehemi tɩ sõngame n lebs n me Zerizalɛm lalsã sẽn da lʋɩyã. Dẽnd babg a nu wã gomda yɛl sẽn zĩnd yʋʋm koabg la pis-nu la a yiib pʋgẽ.
BAB-KÃNGÃ PƲGẼ
KIBAR 77
B ka sak n wõgemd ye
Wẽnnaam na n fãaga kom-bɩɩs a tãabã sẽn yaa sakdbã wʋng sẽn wɩng wʋsgã pʋgẽ bɩ?
KIBAR 80
Wẽnnaam nebã yii Babilon
Pɛrs Rĩm a Sirus sẽn zab n deeg Babilonnã, a pidsa bãngr-gomde. Masã, a pidsda bãngr-gomd a to.
KIBAR 81
B teega Wẽnde
Israɛll nebã kɩɩsa ninsaalbã noy sẽn na yɩl n sak Wẽnnaam. Wẽnnaam na n ning-b la bark bɩ?
KIBAR 82
A Mardose ne a Ɛstɛɛr
Na-pag a Vasti ra yaa neere, la baasgo rĩm a Asierus yãka a Ɛstɛɛr t’a reeg a zĩig n lebg na-paga. Bõe yĩnga?
KIBAR 83
Zerizalɛm lalsã meebo
Tʋm-tʋʋmdbã sẽn wa n met lalgã, b ra segd n pẽnega b sʋʋsã la b kãnã yambẽ wĩndg la yʋngo.
