BABG A 6
A Zezi rogmã tɛk n tãag a kũumã
Wẽnnaam tʋma malɛk a Gabriyɛll pʋg-sad yʋʋr sẽn boond t’a Maari nengẽ. A yeel-a lame t’a na n doga biig sẽn na n wa lebg rĩm n dɩ naam wakat fãa. La a tog n pʋda biigã yʋʋr t’a Zezi. A Maari rog-a-la rũms roogẽ tɩ pe-kɩɩmb wa ges-a be. Rap sẽn yit yaang n bao n na n tɩ ges biigã, tɩ ãdg wilg-b sore. D na n bãnga ned ning sẽn kɩt tɩ rapã yã ãdgã, la Wẽnnaam sẽn kogl a Zezi to-to t’a bɛɛbã pa tõog n kʋ-a wã.
Sẽn paase, d na n yãame t’a Zezi sẽn wa n tar yʋʋm 12, a sõsa ne karen-saam dãmb wẽnd-doogẽ wã. A sẽn wa n tar yʋʋm 30 a reega lisgu, n sɩng Rĩungã koe-noog moonego, la a zãmsd nebã wa Wẽnnaam sẽn da tʋm-a t’a wa maanã. A Zezi yãka rap 12 tɩ b lebg a tʋm-tʋmdba, tɩ b sõngd-a n moond koɛɛgã.
A Zezi maana yel-soalem wʋsg me. A rɩlga neb kʋʋng ne zĩm bõones a wãn la bur a wãn bala. A sãooga bãad dãmb la a vʋʋg kũ-rãmb menga. Baasgẽ wã, d na n yãa bũmb ning sẽn paam a Zezi a kũumã daare, la b sẽn kʋ-a to-to wã me. A Zezi moona koɛɛgã yʋʋm a tã la pʋɩ-sʋka. Dẽnd babg a yoobã gomda yɛl sẽn zĩnd yʋʋm 34 la kiis a wãn pʋgẽ yelle.
BAB-KÃNGÃ PƲGẼ
KIBAR 84
Malɛk n gom ne a Maari
A waa ne Wẽnnaam koɛɛga: A Maari na n doga biig sẽn na n wa rɩ naam wakat fãa yĩnga.
KIBAR 86
Ãdg sẽn wilgd rap sore
Ãnda n wilg ãds-babgã sor tɩ b wa a Zezi nenge? Sok-kãngã leoorã na n ling-y lame.
KIBAR 87
A Zezi bee wẽnd-doogẽ wã
A maana bũmb sẽn ling baa nin-kẽembã sẽn be wẽnd-doogẽ wã n zãmsd nebã.
KIBAR 88
A Zã lisa a Zezi
A Zã ra lisda yel-wẽn-maandba, la a Zezi zɩ n maan yel-wẽnd ye. Bõe yĩng t’a Zã lis-a?
KIBAR 90
A Zezi ne Samari pagã
Wãn to la koom ning a Zezi sẽn kãabd pagã tõe n kɩt tɩ ko-yũud pa le tol n yõka?
KIBAR 91
A Zezi zãmsda nebã
Y na n bãnga sagls nins a Zeezi sẽn kõ a sẽn wa n zãmsd nebã tãngã zugã, tɩ b tar yõod wakat fãa wã.
KIBAR 92
A Zezi vʋʋga kũum
Ne Wẽnnaam pãng maasem, a Zezi togs goam yiib la a vʋʋg a Zairus bi-puglã
KIBAR 93
A Zezi rɩlga neb wʋsgo
A Zezi sẽn maan yel-soalem n dɩlg neb tusa wã, a wilg bõe sẽn tar yõodo?
KIBAR 94
A Zezi nonga kambã
A Zezi wilga tʋm-tʋmdbã tɩ b segd n zãmsa bũmb wʋsg kom-bõonegã la kambã nengẽ me.
KIBAR 95
A Zezi sẽn zãms nebã to-to
Samari nin-sõngã kibarã wilgda a Zezi sẽn da wae n zãmsd nebã to-to.
KIBAR 99
B bee roog pʋgẽ
Bõe yĩng t’a Zezi yeel a karen-biisã tɩ b rɩt rɩ-kãngã sẽn yaa toor zallã yʋʋmd fãa?