BABG A 7
A Zezi vʋʋgrã tɛk n tãag b sẽn kẽes a Poll bãensã
A Zezi kũumã rasem a tãab poore, a vʋʋgame. La baraar bala, a vẽnega a meng naoor a nu t’a karen-biisã yã-a. Yaa rasem 40 pʋgẽ la a sẽn da vẽnegd a meng t’a karen-biisã yãt-a wã. Rẽ poore, a zẽkame n dabd saasẽ t’a karen-biis kẽer getẽ. A Zezi sẽn dʋ saasẽ wã rasem piig poore, Wẽnnaam kɩtame t’a vʋʋsem sõngã sig a karen-biis nins sẽn da be Zerizalɛm n gũudẽ wã zugu.
Kaoosg zugẽ, neb sẽn ka nong Wẽnnaam n kẽes tʋm-tʋmdbã bãense, la malɛk n yiis-ba. Neb a taab me n lob karen-biig a Etɩɛn kug n kʋ. La d na n yãame t’a Zezi yãka ned a yembr sẽn zĩnd a Etɩɛn kʋʋbã zĩigẽ t’a na n lebg a tʋm-tʋmda. Nin-kãng yʋʋr la a Polle. D na n yãame me t’a Zezi kũumã yʋʋm a tãab la pʋɩ-sʋk poore, Wẽnnaam tʋma tʋm-tʋmd a Pɩɛɛr t’a tɩ moon a Korney ne a zaka rãmb sẽn ka Zʋɩf rãmbã.
Sẽn na maan yʋʋm 13 rẽ loogr poore, a Poll sɩngame n gilgd tẽnsã n moond koe-noogã. A so-toak a yiib-n-soabã, a Tɩmote tũ-a lame. D na n goma a Poll ne a tũud-n-taasã sẽn paam sũ-noog ning Wẽnnaam tʋʋmdã pʋgẽ wã me yelle. B wa n kẽesa a Poll bãens Rom, n wa yiis-a yʋʋm a yiib poore. B leb n wa kẽes-a-la bãense, la so-kãngã wã b kʋ-a lame. Babg a yopoe wã pʋgẽ, d na n goma yɛl sẽn maan sẽn kolg yʋʋm 32 pʋgẽ.
BAB-KÃNGÃ PƲGẼ
KIBAR 102
A Zezi vʋʋgame
Malɛk sẽn bilim a Zeezi yaoogã kugrã n lakã, sodaasã sẽn da gũud yaoogã yaeesa b sẽn lɩk n yã bũmb ningã.
KIBAR 105
B bee Zerizalɛm n gũudẽ
Bõe yĩng t’a Zeezi kõo a karen-biisã vʋʋsem sõngã pãntekotã daare?
KIBAR 106
B yiis-b-la bãens roogẽ
Zʋɩf-rãmbã tũudmã taoor dãmb kẽesa tʋm-tʋmdbã bãens roog n na n gɩdg-b tɩ b ra le moone, la Wẽnnaam pa sak ye.
KIBAR 108
Damas sorã zugu
Vẽenem sẽn kɩt t’a Soll lebg zoanga, la koɛɛg sẽn yi saasẽ n toeem a vɩɩmã.
KIBAR 110
A Poll paama sõngd a to
A Tɩmote basa a roagdbã n na n tũ a Poll tɩ b tog soay n tɩ moon koɛɛgã.
KIBAR 111
Biig n gũs n yak n lʋɩ
A Poll pipi sõsgã sasa, a Etiis gũsame, la a yaoolem sõsgã sasa a pa gũs ye. Bũmb ning sẽn maan pipi ne yaoolem sõsgã sʋkã yɩɩ yel-solemde.
KIBAR 112
Sebg n sãam batayo
Sẽn wa n wõnd sẽn maand kaeyã Wẽnnaam tʋma malɛk t’a tɩ yeel a Poll tɩ bũmb pa na n maan-b ye.
KIBAR 113
A Poll bee Rom
Tʋm-tʋmd a Poll sẽn da wa n be bãens roogã, wãn to la a ra tõe n tʋm a tʋmdã?