SAK 11
A Zeova kelgda tõnd pʋʋsgã bɩ?
Wẽnnaam kelgda tõnd pʋʋsgã. 1 Pɩɛɛr 3:12
A Zeova “wʋmda pʋʋsgo.” (Yɩɩl Sõamyã 65:3) A ratame tɩ tõnd pelgd d pʋs n gomd ne-a.
Pʋʋsd-y a Zeova a ye tãa, la y ra pʋʋs ned bɩ malɛk ye.
1 Zã 5:14
D tõe n goma bũmb toor-toor yell d pʋʋsg pʋgẽ.Pʋʋs-y Wẽnnaam n kos t’a raabã maan tẽngã zug wa sẽn maand saasẽ wã.
Pʋʋsd-y Wẽnnaam a Zezi yʋʋr yĩnga, tɩ wilgdẽ tɩ y nanda bũmb ning a Zezi sẽn maan yãmb yĩngã.
Kos-y a Zeova t’a sõng-y tɩ y maand sẽn yaa sõma. Y tõe n kosame t’a sõng-y tɩ y paam rɩɩbo, tʋʋmã, gãag zĩiga, fut la laafɩ.