SAK A 3
Sɩngrẽ wã, vɩɩmã ra yaa wãn-wãna?
A Zeova kõo a Ãdem ne a Hawa bõn-sõma wʋsgo. Sɩngre 1:28
A Zeova naana pag n kõ a Ãdem. Pagã yʋʋr la a Hawa.—Sɩngre 2:21, 22.
A Zeova naan-b lame tɩ b yĩnsã la b tagsa wã fãa yaa sõma zãnga.
A ning-b-la Edɛn. Zĩigã ra yaa neer wʋsgo, tɩ kʋɩls koom zoet be, tɩ tɩɩs sẽn womd biisi, la rũms toor-toor me be be.
A Zeova goma ne-ba, n wilg-b a sẽn datã. B sã n da kelg-a la b sak-a, b ra na n vɩɩ arzãn pʋgẽ tẽngã zugu, n pa kiidẽ ye.
Tɩɩg a ye biis la Wẽnnaam yeel-b tɩ b ra rɩ ye. Sɩngre 2:16, 17
Tɩɩg a ye n da be a Ãdem ne a Hawa sẽn da beẽ wã, t’a Zeova yeel-b tɩ b sã n dɩ a biisã, b na n kiime.
Malɛk a ye n lebg tõata, n kɩɩs Wẽnnaam. Yẽ la b sẽn boond t’a Sʋɩtãanã.
A Sʋɩtãan da pa rat t’a Ãdem ne a Hawa sak a Zeova ye. Rẽ n kɩt t’a tũnug ne waaf n yeel a Hawa t’a sã n dɩ tɩɩgã biisi, a pa na n ki ye, a na n lebga wa Wẽnnaam. La yaa vẽeneg tɩ yaa ziri fasɩ.—Sɩngre 3:1-5.
Découvrez aussi…
BIIBLÃ ZÃMSG SẼN TAR YÕOD WƲSGO
Bõe yĩng tɩ Wẽnnaam naan tẽngã?
Tẽngã pida ne bõn-neeb buud toor-toore. A zãrmã ne wĩntoogã kell n zemsa kɛpɩ, t’a sẽn yilimd tʋʋl-tʋʋl to-to wã me zemse. Bõe yĩng tɩ Wẽnnaam tʋm woto fãa n na n maan tẽngã?
