SOKR A 7
Biiblã reng n wilgame tɩ bõe n na n zĩnd rũndã-
“Buud a yembr na n yika zabr ne buud a to, la soolem ne soolem a to . . . Bõn-kãens fãa yaa tood sɩngr bala.”
“Zãmb-bãngdb wʋsg na n yik n belga neb wʋsgo. La wẽngã sẽn na n yɩ wʋsgã yĩnga, neb wʋsg nonglem na n lebga maasga.”
“Yãmb sã n wʋm tɩ zabr beeme, la tɩ zabr kibar beeme, da zoe-y rabeem ye; tɩ bõe, yaa tɩlae tɩ bõn-kãens wa. La a ka wakat sɛɛb nand ye.”
“Tẽn-digimdg kãsems na n zĩndame, la bã-longds ne kom na n zĩnda zĩig-zĩiga. Bãn-kãsemse ne bõn-bãn sẽn yaa tood na n zĩnda yĩngri.”
“Yaoolem wakate, tood na n zĩndame. Tɩ bõe, nebã na n yɩɩ beed dãmba, ligd nongdba, wilg-m-mens rãmba, tɩtaam dãmba, Wẽnnaam tʋʋsdba, ba-rãmb la ma-rãmb kɩɩsdba, zɩ-beoog rãmba, nin-zaalse, neb sẽn ka tar nimbãan-zoeere, la sũ-to-neba, tẽn-kãn-neba, neb sẽn ka tar yõk-m-menga, pʋto-rãmba, nin-sõamyã kisgdba, zãmb dãmba, neb sẽn ka gũusda, la wuk-m-mens rãmb sẽn nong dũniyã sũ-noog n yɩɩd Wẽnnaam. Bãmb wẽnda wa neb sẽn sakd Wẽnnaam, la b yaool n kɩɩsda bãmb pãnga.”
