“Bas f yell ne Zu-soabã, la bãmb na kogl foom. Bãmb ka na n bas nin-tɩrg t’a leng wakat sẽn ka sɛt ye.”

Yɩɩl Sõamyã 55:23

“Nin-tɩrg paamda yõod ne a sẽn maand bũmb ninsã fãa. La neb nins sẽn yãgd n ka yaasd n tagsdẽ wã paamda naongo.”

Yelbũna 21:5

“Ra zoe-y rabeem ye, mam bee ne yãmba. Ra yɛɛs-y ye, mam yaa yãmb Wẽnnaam. Mam na n kenga yãmba, mam na n sõnga yãmba. Mam na n talla yãmb ne m nug-rɩtg sẽn tõogdã.”

Ezai 41:10

“Yãmb ned a bõe n tõe n paas a vɩɩm woglem kãn-tɩɩg a ye, a sẽn maand yɩɩrã yĩnga?”

Matɩe 6:27

“Bɩ y ra maan yɩɩr ne beoog yell ye, tɩ bõe beoog na n gesa a meng yelle. Daar fãa tara a meng yell tɩ seke.”

Matɩe 6:34

 “Mam sẽn kot bũmb ning m pʋʋsg pʋgẽ yaa tɩ . . . yãmb bãng bũmb nins sẽn yaa sõma n yɩɩda.”

Filip rãmba 1:9, 10

“Da maan-y yɩɩr ne bũmb baa a yembr ye. La ne pʋʋsgo, la ne bark pʋʋsgo, bɩ y wilg Wẽnnaam yãmb sẽn dat bũmb ninsi. La Wẽnnaam laafɩ sẽn yɩɩd nebã bãngr fãa na gũ yãmb sũyã la yãmb tagsg Kirist Zezi maasem yĩnga.”

Filip rãmba 4:6, 7