“Efrata Betlehɛm, . . . mam na n kɩtame tɩ Israyɛll naabã yi f pʋgẽ.”

Miise 5:1

“A Zezi sẽn dog Zida Betlehɛm, naab a Herood zãmaane, gese, yam dãmb yii yaanga n wa Zerizalɛm.”

Matɩe 2:1

“Bãmb pʋɩta mam fut ne taaba, la bãmb maana bãnd ne mam fuug a ye.”

Yɩɩl Sõamyã 22:19

“Bãmb yẽsa ne taab n yeele: ‘Bɩ d da kẽeg-a ye. Bɩ d maan bãnd n bãng ned ning sẽn na n paam-a.’ Bõn-kãng maaname tɩ Gʋlsg Sõamyã pidsi, sẽn yeele: ‘Bãmb pʋɩɩ mam fut ne taaba. La bãmb maana bãnd ne mam fuug a yembre.’”

Zã 19:24

“Bãmb gũuda yẽ kõabã fãa, tɩ baa a yembr kõn tol n kaoog ye.”

Yɩɩl Sõamyã 34:21

“Bãmb sẽn kolg a Zezi n mik tɩ b kiime, bãmb ka kao b karsã ye.”

Zã 19:33

“B kõsa bãmb tõnd yel-wẽnã yĩnga.”

Ezai 53:5

“Sodaag a yembr kõsa a Zezi lʋgrã ne kãnde. La zɩɩm ne koom yii tao-tao.”

Zã 19:34

“Bãmb yaoo maam wakɩ-koeems pis-tã.”

Zakari 11:12, 13

“Dẽ, piig la a yiibã ned a yembr sẽn boond t’a Zida Iskariot kẽnga maan-kʋʋdbã kãsem-dãmb nengẽ n yeele: ‘Yãmb na n kõo maam bõe tɩ m yõk bãmb n kõ yãmba?’ La bãmb yaoo yẽnda wanzuri ligd pis-tã.”

Matɩe 26:14, 15; 27:5