Bab-kãngã pʋgẽ, yaa Biiblã babg ning b sẽn da gʋls ne gɛrkã pʋgẽ kibay la b na n togse. A Zeezi roagdbã ra yaa neb nug sẽn pa zãade, n da be tẽn-bil a ye pʋgẽ. A Zeezi ra tʋmda ne a ba wã sẽn da yaa ra-wãadã. Yaa a Zeezi n da na n wa fãag ninsaalbã. A Zeova yãk-a lame t’a na n lebg Rĩungã sẽn be saasẽ wã Rĩma. Yãmb sã n tara biiga, sõng-y-yã-a t’a bãng t’a Zeova yãka neb sẽn nong-a ne b sũy fãa, tɩ b tõog n wub a Zeezi sõma. Sõng-y-yã-a t’a bãng a sẽn maan to-to n kogl a Zeezi t’a Erood pa paam-a n kʋ, la a bãng tɩ bũmb pa tõe n gɩdg a Zeova t’a pa pids a raabã ye. Wilg-y-yã-a t’a Zeova yãka a Zã, t’a reng taoor n maneg sor a Zeezi yĩnga. Sõng-y y biigã t’a bãng tɩ baa a Zeezi sẽn da yaa biiga, a ra nonga a Zeova goamã.