Israyɛll nebã wa n taa tẽng ning a Zeova sẽn da yeel t’a na n kõ-b lame wã. B ra ket n wat n pʋʋsd-a sɛk-roogẽ wã. Maan-kʋʋdbã ra zãmsda nebã a Zeova tõogã, tɩ bʋ-kaoodbã zãad tẽngã. Bab-kãngã pʋgẽ, d na n yãame tɩ ned sẽn yãkd yam n maand bũmb ninsã tõe n namsa neb a taabã, bɩ n sõng-ba. Israyɛll ned fãa ra segd n nonga a Zeova, la a nong neb a taabã. Sõng-y y biigã t’a bãng a Debora, a Naomi, a Zozuwe, a Ana, a Zefte bi-pugla la a Sãmwɛll manesmã sẽn sõng b taabã to-to. Wilg-y-yã-a tɩ baa neb sẽn da pa Israyɛll neb yãka yam n na n tɩ naag-ba, bala b yãame tɩ Wẽnnaam ra bee ne-ba. Wala makre a Rahaab, a Rut, a Zayɛll, la Gabawõ nebã.