Babg a 8 wã sɩngr-goama
A Zeova kõo a Salomo yam wʋsgo, la a yãk-a t’a me wẽnd-doogã. La bilf-bilfã, a wa n basa a Zeova. Y sã n yaa roagda, sõng-y y biigã t’a bãng bõn-naands pʋʋsdbã sẽn maan to-to t’a Salomo wa bas Wẽnnaam tũubu. A Zeova kɩtame tɩ Israyɛll soolmã welg zĩis a yiibu. La rĩm-wẽnsã kɩtame tɩ nebã bas a Zeova n pʋʋs bõn-naandse. B namsa a Zeova no-rɛɛsdb wʋsgo, la b kʋ-ba. Na-pag a Zezabɛll kɩtame tɩ Israyɛll buud piigã neb pʋʋs bõn-naandsã wʋsgo. Wakat kãng yɩɩ toog wakate. La Israyɛll nebã sʋka, neb wʋsg n da ket n tũud a Zeova ne b sũy fãa. Wala makre, rĩm a Zozafat la no-rɛɛs a Eli.
BAB-KÃNGÃ PƲGẼ
SAK 49
B kʋʋ na-pag a Zezabɛlle
A Zezabɛll yaga ziri tɩ b kʋ Israyɛll rao yʋʋr sẽn boond t’a Nabote, sẽn na yɩl n deeg a viyn pʋʋgã! A sẽn maanã yaa wẽng wʋsgo, la Wẽnnaam a Zeova yãame.
SAK 50
A Zeova zab n sõnga a Zozafate
Bɛɛbã sẽn wa n na n zab ne Zida wã, rĩm sõng a Zozafat pʋʋsa Wẽnnaam n kos sõngre.