Babg a 9 wã sɩngr-goama
Bab-kãngã pʋgẽ, b gomda kom-bɩɩse, no-rɛɛsdba, la rĩm-dãmb yelle. B fãa wilgame tɩ b tẽebã tara pãnga. Siiri tẽngã pʋgẽ, bi-bilf n da be be. Yaa Israyɛll bi-pugl sẽn da kɩs sɩd t’a Zeova no-rɛɛsã tõe n sãooga a Naama. No-rɛɛs a Eliize ra kɩsa sɩd zãng t’a Zeova na n sõnga yẽ tɩ bɛɛbã ra kʋ-a ye. Maan-kʋʋdb kãsem a Zehozada gẽnega a yõor n sõng a Zoaas sẽn da yaa biigã, t’a yaab-poak a Atali pa paam-a n kʋ ye. Rĩm a Ezekɩyaas teega a Zeova sẽn na yɩl t’a fãag Zerizalɛm nebã. Rẽ kɩtame t’a pa sak n maan Asiiri nebã sẽn datã ye. Rĩm a Zoziyaas kɩtame tɩ nebã bas bõn-naandsã pʋʋsgo. A manega wẽnd-doogã me, la a sõng nebã tɩ b le sɩng a Zeova tũubu.
BAB-KÃNGÃ PƲGẼ
SAK 51
Sodaas naab ne bi-pugla
Bi-bilf sẽn yit Israyɛll goma ne a zu-soab paga, n yeel-a t’a Zeova tara tõogo. Pagã kelgame t’a sɩdã paam laafɩ.
SAK 52
Wed-moos ka tɛka, ne saar-dãmb sẽn wit bugum
A Eliize tʋm-tʋmdã maana wãn n bãng tɩ sẽn be-b ne bãmbã yɩɩda sodaasã sõore?
SAK 54
A Zeova maaga a yĩng n sõng a Zonaas
Sɩnga wãn tɩ zĩm-bed-kẽeng wa vel Wẽnnaam no-rɛɛsa? A maana wãn n yi zĩifã pʋgẽ? La a Zeova sõng-a lame t’a bãng bõe?
SAK 55
A Zeova malɛk n sõng a Ezekɩyaas
Zida tẽngã bɛɛb yeelame t’a Zeova pa na n fãag a nebã ye. La b tudgame.
SAK 56
A Zoziyaas ra nonga Wẽnnaam tõogã
A Zoziyaas lebga rĩm a sẽn wa n tar yʋʋm a nii. A sõnga a tẽngã nebã tɩ b tũ a Zeova.
