Goosneema-rãmbã
Goosneema-bʋg la kiris-neb hakɩɩkã sakd la b teend ne b sũur fãa?
Ges-y Dãn. 7:13, 14.
-
Biiblã kibay sẽn tõe n sõng-yã:
-
Yɩɩn. 89:18-29: A Zeova kɩtame tɩ Mesi wã lebg Rĩma, t’a naamã yɩɩd naam buudã fãa.
-
Vẽn. 12:7-12: Yaoolem wakatã sɩngrẽ, Mesi wã sɩnga naam dɩɩbo, la a rig a Sʋɩtãan n yiis saasẽ.
-
Bõe la Kiristã karen-biis nins sẽn paam vʋʋsem sõng zaeebã maand Wẽnnaam Rĩungã yĩnga?
Kiris-nebã sakda nanambsã
Bõe yĩng tɩ d sakd laloa wã la d yaood lampo-rãmbã?
Rom. 13:1-7; Tɩt 3:1; 1 Pɩy. 2:13, 14
Ges-y Tʋʋ. 25:8.
-
Biiblã kibay sẽn tõe n sõng-yã:
-
Mat. 22:15-22: B sẽn sok a Zeezi n ges a karen-biisã sã n segd n yaoo lampo wã, a leoka ne yam.
-
Bõe yĩng tɩ d pa komsd raoodo, baa b sã n wa namsd tõnd d tũudmã yĩnga?
Ges-y “Namsg d tũudmã yĩnga.”
Kiris-nebã pa kẽesd b toog dũniyã yɛlẽ ye
Bõe yĩng tɩ kiris-nebã pa sakd n kɩɩs a Zeova, baa tẽngã taoor dãmb sã n dat tɩ b maan woto?
-
Biiblã kibay sẽn tõe n sõng-yã:
-
Dãn. 3:1, 4-18: Kom-bɩɩs a tãabã sẽn yaa Ebre-rãmbã zãgsame tɩ b kõn sak noor Babilon rĩmã sẽn yiisi, bala kɩɩsda a Zeova noore.
-
Dãn. 6:6-10: Tẽngã taoor dãmb sẽn yeel no-rɛɛs a Dãniyɛll t’a ra le pʋʋsã, a pa sak ye.
-
Bõe la a Zeezi maan n wilg tɩ kiris-nebã pa segd n kẽes b toog politikã yɛlẽ?
Wãn to la noy nins Wẽnnaam sẽn lugl bõn-naands pʋʋsgã wɛɛngẽ wã tõe n sõng kiris-ned t’a pa kẽes a toog politikã yɛlẽ?
B sã n wa yeel kiris-ned t’a kẽes a toog n zab a tẽngã yĩnga, Biiblã vɛrse-bʋs n tõe n sõng-a?
Ges-y Yɩɩn. 11:5.
-
Biiblã kibay sẽn tõe n sõng-yã:
-
Mat. 26:50-52: A Zeezi wilga vẽeneg t’a karen-biisã pa na n kẽes b toog zab pʋsẽ ye.
-
Zã 13:34, 35: Kiris-ned tõe n soka a meng yaa: ‘M sã n kẽng n tɩ zab ne tẽng a to neba, tɩ tõe n yɩ sabab tɩ m kʋ m tẽed-n-taase, m tũuda a Zeezi saglgã sɩda?’
-
Neb sã n wa wilgd b sũ-pa-noaang ne tẽngã taoor dãmba, bõe yĩng tɩ kiris-nebã pa kẽesd b toogo?
Tẽngã taoor dãmb sã n wa yeel tɩ d yaa tõatb wall tẽn-dãmbdba, bõe yĩng tɩ pa segd n ling-du?
-
Biiblã kibay sẽn tõe n sõng-yã:
-
Tʋʋ. 16:19-23: B namsa tẽn-tʋmd a Poll ne a Sɩlaas koɛɛgã mooneg yĩnga.
-
Découvrez aussi…
GŨUSG GASGÃ
Ãnda la Wẽnnaam Rĩungã Rĩmã?
Wẽnnaam kɩtame tɩ Biiblã gʋlsdb toor-toor togs yɛl wʋsg sẽn na n sõng tɩ b bãng soab ning sẽn na n yɩ a Rĩungã Rĩmã. Hal ninsaalbã sẽn be dũni zug tɛk n tãag masã, nin-yend bal n tõog n wilg kɛpɩ t’a yaa nin-kãnga.
Biiblã kibay sebre
B ka sak n wõgemd ye
Wẽnnaam na n fãaga kom-bɩɩs a tãabã sẽn yaa sakdbã wʋng sẽn wɩng wʋsgã pʋgẽ bɩ?
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
