Biiblã kibay sẽn tõe n sõng-yã:

• Sɩng. 24:1-4, 7: A Abrahaam sẽn wa kʋʋlã, a yãka yam n na n bao pag neb nins sẽn tũud a Zeova wã sʋk n kõ a biig a Izaak. A pa bao pag Kanaã nebã sẽn da tũud wẽn-faadã sʋk ye.

• Sɩng. 28:1-4: A Izaak me sagla a bi-ribl a Zakoob t’a tɩ bao pag a neb nins sẽn tũud a Zeova wã sʋka, la pa Kanaã nebã sʋk ye.

 Biiblã kibay sẽn tõe n sõng-yã:

• 1 Rĩm. 11:1-6, 9-11: A Zeova sũur sãama ne rĩm a Salomo, a sẽn kɩɩs a noor n kẽ kãadem ne pagb sẽn da yaa bu-zẽms nebã, la a bas tɩ b wẽnemd a sũurã t’a pʋʋsd wẽn-faadã.

• Nee. 13:23-27: Wa a Zeova, a Nehemi me sũur yika ne Israyɛll rap nins sẽn da kẽ kãadem ne pagb sẽn yaa bu-zẽmsã. Woto kɩtame t’a zab-ba, la a kibl-ba.

Biiblã kibay sẽn tõe n sõng-yã:

• 1 Sãm. 25:2, 3, 14-17: A Naball ra yaa rakãag-kẽenga. La a ra yaa nin-toaag la tʋʋm-yood soaba. Woto kɩtame t’a pag a Abigayɩll pa paam sɩd-sõng ye.

• Yel. 21:9: D sã n pa kẽ kãadem ne nin-sõngo, tõe n kɩtame tɩ d pa paam sũ-noog d kãadmã pʋgẽ ye.

• Rom. 7:2: Tẽn-tʋmd a Poll yeelame tɩ pag sã n kẽ kãadem, yaa a sɩdã sẽn pa zems zãngã n lebgd a zu-soaba. Rẽ n so tɩ pag sẽn tar yam segd n maag a yĩng n yãk ned ning sẽn na n yɩ a sɩda.

Biiblã kibay sẽn tõe n sõng-yã:

• Yel. 24:27: Nand tɩ rao kẽ kãadem n wa rog kamba, a segd n tʋma wʋsg sẽn na yɩl n wa tõog n ges a zakã rãmb yelle.

Biiblã kibay sẽn tõe n sõng-yã:

• Rut 2:4-7, 10-12: A Bowaaz bao n bãnga a Rut sã n yaa pʋg-sõngo. A gesa a sẽn da tʋmd to-to wã, a sokame n bãng t’a tara yʋ-noogo, t’a gesa a sɩdã ma yell sõma, la t’a nonga a Zeova ne a sũur fãa.

• Rut 2:8, 9, 20: A Rut bao n bãnga a Bowaaz sõma. A mikame t’a Bowaaz yaa nin-sõngo, kõata, la t’a nonga a Zeova.

 Biiblã kibay sẽn tõe n sõng-yã:

• Yel. 5:18, 19: Bũmb kẽer n be tɩ yaa neb sẽn kãadem ne taab bal n segd n maan rẽ n wilg taab nonglem.

• Sal. yɩɩl. 1:2; 2:6: Pe-kɩɩmã ne Sunem bi-pulgã togsa taab gom-nood sẽn wilgd tɩ b nonga taaba, la pa gom-dẽgd sẽn nekd pag ne rao lageng tʋlsem ye.

• Sal. yɩɩl. 4:12; 8:8-10: Sunem bi-puglã kell n yõka a menga, n pa tʋm tʋʋm-dẽgd ye. B yeelame t’a ra yaa wa zẽed zĩig b sẽn soge.

Biiblã kibay sẽn tõe n sõng-yã:

• Sɩng. 21:8-12: A Zeova yeela a Abrahaam t’a kelg a pag a Saara, baa ne a sẽn da rat t’a maan bũmb ningã sẽn da pa noom-a wã.

• Yel. 31:10, 11, 16, 28: Pʋg-sõng ning yell b sẽn gomd vɛrse-kãensã pʋgẽ wã sɩdã sẽn tar yamã pa weoogd-a, a pa get a kong-bõonesã me ye. A kɩs-a-la sɩda, la a pẽgd-a.

• Efɛɛ. 5:33: Wẽnnaam sẽn kɩt tɩ tẽn-tʋmd a Poll yeel goam ninsã wilgdame tɩ pag ratame t’a sɩdã wilg t’a nong-a lame.

Biiblã kibay sẽn tõe n sõng-yã:

• Yel. 1:8; 1 Kor. 7:4: A Zeova kõo pagbã la ma-rãmbã zu-sobend yɛl kẽer wɛɛngẽ zakã pʋgẽ.

• 1 Kor. 11:3: Tẽn-tʋmd a Poll wilgame t’a Zeova sẽn sigl yɛlã to-to wã pʋgẽ, ninsaalbã fãa tara zu-soben-dãmba, sã n pa Wẽnnaam Sẽn-tõe-a-fãa wã bala.

• Ebre. 13:7, 17: Tigingã pʋgẽ, rapã la pagbã fãa segd n sulg n saka neb nins a Zeova sẽn yãk tɩ b lʋɩt taoorã.

Biiblã kibay sẽn tõe n sõng-yã:

• Sɩng. 18:12; 1 Pɩy. 3:5, 6: A Saara ra waoogda a sɩd a Abrahaam ne a sũur fãa, n da boond-a t’a “zu-soaba.”

Biiblã kibay sẽn tõe n sõng-yã:

• Sɩng. 24:62-67: A Rebeka belsa a sɩd a Izaake, a ma wã kaalem poore.

• 1 Sãm. 25:14-24, 32-38: A Abigayɩll sika a meng n kos a Davɩɩd sugri, tɩ rẽ kɩt t’a sɩdã sẽn da yaa nin-yoogã la a zakã rãmb paam n põse.

• Ɛst. 4:6-17; 5:1-8; 7:1-6; 8:3-6: Rĩm poak a Ɛstɛɛr gẽnega a yõor naoor a yiib n kẽng a sɩdã sẽn da yaa rĩm-toaagã taoor t’a yaool n da pa bool-a, n na n tɩ kos-a t’a fãag Wẽnnaam nin-buiidã.