Naam yʋya
Kiris-ned tog n boola tũudmã taoor dãmbã ne waoogr yʋy nins b sẽn pʋt-bã bɩ?
Biiblã kibay sẽn tõe n sõng-yã:
Luk 18:18, 19: Baa ne a Zeezi sẽn da yaa sõngã, a pa sak tɩ bool-a tɩ “Karen-saam-sõng” ye. A yeelame tɩ ned kae n yaa sõng n zʋʋg Wẽnnaam ye.
Bõe yĩng tɩ kiris-nebã pa boond tũudum taoor soab ne waoogr yʋʋr wa “Ba” bɩ “Taoor soaba”?
Biiblã kibay sẽn tõe n sõng-yã:
Mat. 23:9-12: A Zeezi gɩdgame tɩ d ra bool tũudum taoor soab ne waoogr yʋʋr wa “Ba” bɩ “Taoor soab” ye.
1 Kor. 4:14-17: Baa tẽn-tʋmd a Poll sẽn da yaa wa ba neb wʋsg yĩngã, b pa bool-a zĩig baa a ye Biiblã pʋgẽ tɩ Ba a Polle, bɩ ne waoogr yʋʋr a to ye.
Bõe yĩng tɩ zems tɩ kiris-nebã boond taab tɩ saam-biis la saam-bi-pogse, la b nong taaba?
Ges-y Tʋʋ. 12:17; 18:18; Rom. 16:1.
Biiblã kibay sẽn tõe n sõng-yã:
Mat. 12:46-50: A Zeezi wilga vẽeneg t’a geta ned ning fãa sẽn tũud a Zeova wã wa a ma-bi-raoogo, bɩ a ma-bi-poaka.
Bõe n kɩt tɩ d miẽ tɩ kiris-nebã tõe n boola dũniyã nanambsã, politik sull taoor dãmba, bʋ-kaoodbã la nanambs a taab ne waoogr yʋya?
Biiblã kibay sẽn tõe n sõng-yã:
Tʋʋ. 26:1, 2, 25: A Poll sẽn wa n gomd ne dũniyã nanambs kẽere, wala makre, a Agripa la a Fɛstusi, a bool-b-la ne b naam yʋyã.
Découvrez aussi…
A ZEEZI YAA SORE, LA SƖDA, LA VƖƖM
A Zeezi goma ne ra-kãagr sẽn yaa naaba
Bõe n kɩt t’a Zeezi yeel tɩ yaa naana tɩ yʋgemd tũ fu-pĩim bokẽ n kẽ, n yɩɩd ra-kãagr sẽn na n kẽ Wẽnnaam soolmã pʋgẽ?
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
