Namsg d tũudmã yĩnga
Bõe n kɩt tɩ kiris-nebã miẽ tɩ b na n paama namsg b tũudmã yĩnga?
B sã n wa namsd tõnd d tũudmã yĩnga, bõe yĩng tɩ d segd n kos a Zeova sõngre?
Yɩɩn. 55:22; 2 Kor. 12:9, 10; 2 Tɩm. 4:16-18; Ebre. 13:6
-
Biiblã kibay sẽn tõe n sõng-yã:
-
1 Rĩm. 19:1-18: B sẽn wa n namsd no-rɛɛs a Eli wã, a pelga a pʋg n pʋʋs a Zeova, n paam belsg la raood kengre.
-
Tʋʋ. 7:9-15: A Zozɛf kẽem-dãmbã ra namsd-a lame la a Zeova kell n maana sɩd ne-a n sõng-a, la a tũnug ne-a n fãag a zakã rãmba.
-
Namsg buk toor-toorã la bʋse?
B tõe n tʋ-d lame, la b yaal-do
2 Kib 36:16; Mat. 5:11; Tʋʋ. 19:9; 1 Pɩy. 4:4
-
Biiblã kibay sẽn tõe n sõng-yã:
-
2 Rĩm. 18:17-35: Rabsake wã sẽn da yaa Asiiri rĩmã koe-taasdã tʋʋsa a Zeova la a yaal Zerizalɛm nebã.
-
Luk 22:63-65; 23:35-37: Bɛɛbã tʋʋ a Zeezi la b yaal-a b sẽn wa n kaood a bʋʋdã, la a sẽn wa n be ra-lukã zugã.
-
D zakã rãmb tõe n nams-d lame
B tõe n yõk-d lame n kẽng bʋ-kaoodb taoore
B tõe n pãb-d lame
Kʋʋng tõe n suu taab n wa nams-do
B tõe n kʋ-d lame
B sã n wa namsd kiris-nebã, b manesem segd n yɩɩ wãna?
Mat. 5:44; Tʋʋ. 16:25; 1 Kor. 4:12, 13; 1 Pɩy. 2:23
-
Biiblã kibay sẽn tõe n sõng-yã:
-
Tʋʋ. 7:57–8:1: Neb kʋʋng sẽn wa n su taab n na n kʋ a Etɩɛn tɩ Tars rao a Soll ra naag-bã, a Etɩɛn pʋʋsa Wẽnnaam n kos t’a zoe b rãmb nins sẽn da namsd-a wã nimbãanega.
-
Tʋʋ. 16:22-34: Baa b sẽn pãb tẽn-tʋmd a Poll n kẽes-a bãens roog la b sẽb a naoã ne ra-bãongã, a maana bãensã roog gũudã neere, tɩ rẽ kɩt tɩ yẽ ne a zakã rãmb fãa tuub n lebg kiris-neba.
-
Bõe n paam pipi kiris-neb kẽere?
B sã n wa namsd tõnd d tũudmã yĩnga, d tagsg segd n yɩɩ wãna?
B sã n wa namsd tõnd d tũudmã yĩnga, wãn to la d sẽn saagd tɩ manegr n watã tõe n kõ-d pãnga?
Bõe yĩng tɩ d pa zoet yãnd bɩ rabeem wall n koms raood b sẽn namsd tõnd d tũudmã yĩngã, la bõe yĩng tɩ d pa sakd n bas a Zeova tũubu?
Yɩɩn. 56:1-4; Tʋʋ. 4:18-20; 2 Tɩm. 1:8, 12
-
Biiblã kibay sẽn tõe n sõng-yã:
-
2 Kib 32:1-22: Rĩm a Senakeriib sẽn wa n wa ne sodaas wʋsg n na n zab ne a Ezekɩyaasã, a teega a Zeova la a keng nin-buiidã raoodo. La a Zeova ning-a-la barka.
-
Ebre. 12:1-3: Neb nins sẽn da namsd a Zeezi wã baoome n na n kɩt tɩ yãnd yõk-a, la a pa bas tɩ namsgã koms a raood ye.
-
Nafa bʋs la namsgã tõe n wa ne?
D sã n tõog toog namsg sasa, d noogda a Zeova sũuri, la d kɩtdẽ t’a yʋʋrã paamd pẽgre.
-
Biiblã kibay sẽn tõe n sõng-yã:
-
Zoob 1:6-22; 2:1-10: Baa ne a Zoob sẽn da pa mi tɩ yaa a Sʋɩtãan n kɩt t’a namsdẽ wã, a kell n maana sɩd ne a Zeova. Woto waooga a Zeova, la wilg t’a Sʋɩtãan yaa ziri yagda.
-
Dãn. 1:6, 7; 3:8-30: A Hananiya, a Misayɛll la a Azariya sẽn da maand sɩd ne a Zeova wã (a Sadrak ne a Mesak la a Abɛɛdnego) pa sak n na n kɩɩs a Zeova, baa ne rẽ sẽn da na n kɩt tɩ b ki kũ-toaagã. Rẽ kɩtame tɩ rĩm a Nebukadnezaar sẽn da pʋʋsd wẽn-faadã sak n deeg t’a Zeova n yaa pãng sẽn ka to soaba.
-
B sẽn namsd tõnd d tũudmã yĩngã tõe n kɩtame tɩ neb a taab wa rat n bao n bãng a Zeova
-
Biiblã kibay sẽn tõe n sõng-yã:
-
Tʋʋ. 11:19-21: B sẽn wa n namsd pipi kiris-nebã b tũudmã yĩng tɩ kɩt tɩ b zoe n sãeegã, kɩtame tɩ koe-noogã ta tẽns wʋsgo.
-
Fili. 1:12, 13: Tẽn-tʋmd a Poll sũur yɩɩ noog ne b sẽn kẽes-a bãens roog tɩ tũ ne rẽ tɩ neb wʋsg wʋm koe-noogã.
-
D sã n tõog toog namsg sasa, tõe n kenga d tẽed-n-taasã raoodo
Naoor wʋsgo, ãnd dãmb n namsd a Zeova nin-buiidã?
Zer. 26:11; Mark 3:6; Zã 11:47, 48, 53; Tʋʋ. 25:1-3
-
Biiblã kibay sẽn tõe n sõng-yã:
-
Tʋʋ. 19:24-29: Neb nins sẽn da be Efɛɛz n maand a Artemis wẽnd-do-bõonesã ra tagsame tɩ kiris-nebã sẽn da moond n yetẽ tɩ bõn-naandsã pʋʋsg pa sõma wã na n sãama b raaga. Rẽ kɩtame tɩ b sɩng kiris-nebã namsgo.
-
Gal. 1:13, 14: Nand t’a Poll b sẽn da boond t’a Sollã lebg kiris-neda, a ra tara yẽesem wʋsg Zʋɩf-rãmbã tũudmã pʋgẽ hal n da namsd kiris-nebã b tũudmã yĩnga.
-
Ãnd n kɩt tɩ b namsd a Zeova nin-buiidã?