Tũudum toɛy-toɛy lagem-n-taare
Tũudum toɛy-toɛyã neb waoogda Wẽnnaam yɛngã bɩ?
Rẽ yĩnga, Biiblã yetame tɩ b sẽn zãmsd nebã bũmb toor-toorã tũudum toɛy-toɛyã pʋsẽ wã tata a Zeova yam bɩ?
Mat. 7:13, 14; Zã 17:3; Efɛɛ. 4:4-6
-
Biiblã kibay sẽn tõe n sõng-yã:
-
Zoz. 24:15: A Zozuwe yeelame tɩ d segd n yãka d sã n na n tũu a Zeova bɩ wẽn-faadã.
-
1 Rĩm. 18:19-40: A Zeova tũnuga ne a no-rɛɛs a Eli n wilg tɩ neb nins sẽn tũud yẽ sẽn yaa Wẽnnaam sɩd-sɩdã pa segd n tũ wẽn-faad wa a Baal ye.
-
A Zeova tagsg yaa wãn ne wẽn-faadã, la nebã sẽn pʋʋsd-bã?
Ned sã n yeel t’a tũuda a Zeova la a yaool n maand a sẽn kisi, a Zeova tagsg yaa wãn ne rẽ?
Eza. 1:13-15; 1 Kor. 10:20-22; 2 Kor. 6:14, 15, 17
-
Biiblã kibay sẽn tõe n sõng-yã:
-
Yik. 32:1-10: Israyɛll nebã pẽdga a Aarõ n kɩt t’a maan bõn-naandg sẽn yaa nag-bil n tall-a n maan “tigr a Zeova yĩnga,” la a Zeova sũurã puuga wʋsgo.
-
1 Rĩm. 12:26-30: Rĩm a Zerobowam sẽn da pa rat tɩ nebã ket n kẽnd wẽnd-doogã sẽn be Zerizalɛmmã n pʋʋsdẽ wã yĩnga, a maana bõn-naands n yeel tɩ makda a Zeova. Rẽ kɩtame tɩ b maan yel-wẽnde.
-
Bõe la a Zeova ra yeel Israyɛll nebã tɩ wilgdẽ tɩ b segd n laka b mens ne neb nins sẽn pʋʋsd wẽn-faadã?
Bõe la a Zeova maane, a nin-buiidã sẽn wa n tũud wẽn-faadã?
Bʋ. 10:6, 7; Yɩɩn. 106:35-40; Zer. 44:2, 3
-
Biiblã kibay sẽn tõe n sõng-yã:
-
1 Rĩm. 11:1-9: Rĩm a Salomo pagb nins sẽn da yaa bu-zẽmsã pẽdg-a lame, t’a tũ wẽn-faado, tɩ neb a taab me maan wa yẽ. Rẽ puuga a Zeova sũurã.
-
Yɩɩn. 78:40, 41, 55-62: A Azaf bilga Israyɛll nebã kɩɩsgã la b sẽn da pʋʋsd bõn-naandsã sẽn sãam a Zeova sũur to-to, tɩ kɩt t’a raag a nin-buiidã n basã.
-
Rẽ yĩnga, a Zeezi teela tũudum toɛy-toɛyã zãmsg nins sẽn pa zems ne Wẽnnaam Gomdã bɩ?
-
Biiblã kibay sẽn tõe n sõng-yã:
-
Mat. 16:6, 12: A Zeezi maka Fariziyẽ-rãmbã la Sadiseyẽ-rãmbã sẽn da zãmsd nebã bũmb ninsã ne rabɩlle. Bala neb nins sẽn yelgd zãmsg sẽn pa sɩdã tõe n sãama zood ning sẽn be Wẽnnaam ne b taabã sʋkã.
-
Mat. 23:5-7, 23-33: A Zeezi wilga vẽeneg tɩ gʋlsdbã ne Fariziyẽ-rãmbã yaa pʋ-lik rãmba, la tɩ b sẽn zãmsd nebã bũmb ninsã pa sɩd ye.
-
Mark 7:5-9: A Zeezi wilga vẽeneg tɩ gʋlsdbã ne Fariziyẽ-rãmbã lʋɩɩsda pĩnd rãmbã miningã taoor n yɩɩd Wẽnnaam Gomdã sẽn yetã.
-
Rẽ yĩnga, a Zeezi da ratame t’a poorẽ-dãmbã welg sull sull n be tũudum toɛy-toɛy pʋsẽ bɩ?
-
Biiblã kibay sẽn tõe n sõng-yã:
-
Zã 15:4, 5: A Zeezi rɩka makr ne viyn tɩɩg n na n wilg zems-n-taar ning sẽn segd n zĩnd yẽ ne a poorẽ-dãmbã sʋka, la bãmb ne taab sʋk me.
-
Zã 17:1, 6, 11, 20-23: A Zeezi sẽn wa n be ne a tẽn-tʋmdbã yʋng ning b sẽn yõk-a wã, a pʋʋsa kiris-neb hakɩɩkã zems-n-taar yĩnga.
-
Pipi kiris-nebã tigims toor-toorã neb sẽn da tẽed bũmb ninsã la b sẽn da tũud a Zeova to-to wã ra yaa a yembr bɩ?
-
Biiblã kibay sẽn tõe n sõng-yã:
-
Tʋʋ. 11:20-23, 25, 26: Tigimsã sẽn da be Ãntiyoos ne Zerizalɛmmã neb ra zemsda taaba, n naagd taab n tʋmd yam a yembre.
-
Rom. 15:25, 26; 2 Kor. 8:1-7: Pipi kiris-nebã tigimsã neb ra wilgdame tɩ b nonga taaba. B ra sõngda taab yel-pakr sasa tɩ wilgdẽ tɩ zems-n-taar ra bee b sʋka.
-
Tũudum nins fãa sẽn yet tɩ b tẽeda Kiristã tata Wẽnnaam yam bɩ?
Neb sã n pa tũud Kiristã la a tẽn-tʋmdbã zãmsgã, b pʋʋsgã tata Wẽnnaam yam bɩ?
-
Biiblã kibay sẽn tõe n sõng-yã:
-
Mat. 13:24-30, 36-43: A Zeezi wẽe yel-bũnd n wilg tɩ wa nadens sẽn pukd to-to pʋʋg pʋgẽ wã, kiris-neb ne yʋʋr wʋsg n na n puki, n soos n kẽ tigingã pʋga.
-
1 Zã 2:18, 19: Tẽn-tʋmd a Zã sẽn da kʋʋlã yeelame tɩ Kiristã kɩɩsdb wʋsg n da zoe n be na maan yʋʋm koabg a Zeezi rogmã poore.
-
B sã n bas neb sẽn zãmsd b taabã bũmb sẽn pa sɩda, la sẽn kɩɩsd Kiristã tigingã pʋgẽ, bõe n maande?
Bõe yĩng tɩ kiris-nebã segd n kell n zemsd taaba?
Bõe yĩng tɩ kiris-nebã pa segd n kẽes b toog ziri tũudmã yɛlẽ?
Bõe yĩng tɩ sõng nebã tɩ b bãng tɩ ziri tũudmã sẽn zãmsd nebã bũmb ninsã pa sɩdã yaa bũmb sẽn zemse, n le yaa sõma?
Bõe yĩng tɩ ziri tũudmã nebã sã n zabd ne tõnd la b namsd tõnd bɩ pa segd n ling-du?
Découvrez aussi…
GŨUSG GASGÃ
Tũudum toɛy-
Baa sẽn na yɩla, tũudum toɛy-
SOGSG BIIBLÃ SẼN LEOKDE
Tũudum toor-toorã fãa yaa sõma bɩ? B fãa tata Wẽnnaam yam bɩ?
Biiblã gomda bũmb a yiib yelle, tɩ sõngd tõnd tɩ d bãng sogsgã leoore.
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
