SAK 10
Toeemd-y y koe-zomã sõma
Matye 20:31
Y SẼN NA N BÃNGE: Zẽkd-y y koɛɛgã wall n sikd-a, toeemd-y-yã a pãngã la y goamã tʋʋlem, sẽn na yɩl tɩ y sẽn yetã yɩ vẽenega, la kẽ kɛlgdbã sũyã.
Y SẼN TÕE N MAAN TO-TO:
-
Zẽkd-y y koɛɛgã wall y sikd-a. Zẽk-y y koɛɛgã, y sã n wa rat tɩ kɛlgdbã tẽeg bũmb sẽn tar yõod wʋsgo, la sõng-b tɩ b tʋlg n tũ b sẽn wʋmdã. Y sã n wa karemd bʋ-kaoor koɛɛg Biiblã pʋgẽ me, zẽk-y y koɛɛgã. Y sã n wa rat n sõng kɛlgdbã tɩ b yamã kẽ y sẽn yetã, bɩ sẽn na yɩl n gom bũmb sẽn kẽesd rabeem wall sẽn wat ne yɩɩr yelle, sik-y y koɛɛgã.
-
Toeemd-y y koɛɛgã pãnga. Yãmb buud-gomdã pʋgẽ sã n zemsame, toeemd-y y koɛɛgã pãnga, tɩ y goamã tall yẽesem. Sã n yaa bũmb yalem bɩ a woglem yell la y rat n gome, toeem-y y koɛɛgã pãnga. La y sã n gomd bũmb sẽn sãamd sũur bɩ sẽn wat ne yɩɩr yelle, sik-y y koɛɛgã.
-
Toeemd-y y goamã tʋʋlem. Y sã n dat n gom bũmb sẽn noogd sũur yelle, gom-y tʋʋl-tʋʋle. Gom-y maasg-maasga, sã n yaa bũmb sẽn tar yõod wʋsg yell la y rat n gome.