SAK A 3
Sokd-y sogsgo
Matye 16:13-16
Y SẼN NA N BÃNGE: Sokd-y sogsg sẽn na n kɩt tɩ kɛlgdbã rat ne b sũur fãa n kelge, sẽn na n kɩt tɩ b tagse, la sẽn na n sõng-y tɩ y wilg-b bũmb sẽn tar yõod wʋsgo.
Y SẼN TÕE N MAAN TO-TO:
-
Sogsg sẽn na n kɩt tɩ b rat n kelge. Sok-y sogsg sẽn na n kɩt tɩ kɛlgdbã mams leoorã b yamẽ, bɩ n kɩt tɩ b rat n bãng leoorã.
-
Sogsg sẽn na n kɩt tɩ b tagse. Sok-y sogsg sẽn na n sõng-b tɩ b wʋm y goamã võor pʋgdg-pʋgdga, la b wa sak n deeg tɩ y sẽn yetã yaa sɩda.
-
Sogsg sẽn na n wilg-b bũmb sẽn tar yõod wʋsgo. Sok-y-b sokr n paam n gom bũmb sẽn tar yõod yelle. Y sã n wa gom bũmb sẽn tar yõod yell n sa, bɩ y sã n wa rat n baas y sõsgã, sok-y-b sogsg n tõog n bãng b sã n tẽrame.