Dũniyã gill zugu, nebã maooda ne zu-loees sẽn wat ne sũ-sãamse, yɩɩre, la toog menga. Yãmb zoe n paama yel-kãensã buud bɩ? Tõe tɩ bãaga, wall y ned kaalem n namsd-y-yã. Tõe tɩ y sokda y meng yaa: ‘Vɩɩmã na n wa yɩɩ sõma beoog-daar bɩ?’ D paamda sok-kãngã leoor Biiblã pʋgẽ, hal tɩ kengd raoodo.

1. Wãn to la Biiblã goamã kɩtd tɩ d tẽed manegre?

Biiblã wilgda dũniyã sẽn pid ne zu-loeesã võore. A wilgdame me tɩ zu-loe-kãensã na n wa saa ka la bilfu, tɩ yaa koe-noogo. Pʋlems nins sẽn be Biiblã pʋgẽ wã tõe n kõo yãmb “saagre, sẽn na n yɩlẽ tɩ y beoog vɩɩmã yɩ neere, la tɩ y paam tẽeb pidsgu.” (Karm-y Zeremi 29:11, 12) B sõngda tõnd tɩ d maood ne d rũndã-rũndã zu-loeesã, tɩ d tar sũ-noog masã menga, la d tar bas-m-yam tɩ d na n wa paama sũ-noog wakat sẽn kõn sa.

2. Biiblã wilgdame tɩ vɩɩmã na n wa yɩɩ wãn to?

Biiblã wilgdame tɩ wakat n wat tɩ “kũum pa na n le zĩndi, sũ-sãanga, yãbr wall toog pa na n le zĩnd ye.” (Karm-y Vẽnegr 21:4.) Zu-loees nins fãa sẽn kɩt tɩ nebã pa le tẽed manegrã na n saame. Wala makre, naongã, yel-kɛgã, bãasã la kũumã. Biiblã wilgdame tɩ ninsaalbã na n wa paam n vɩɩmda wakat sẽn kõn sa arzãnã pʋgẽ, tẽng zug ka.

3. Bõe n na n sõng-y tɩ y maneg n kɩs sɩd tɩ bũmb nins b sẽn pʋlem Biiblã pʋgẽ wã na n sɩd pidsame?

Neb wʋsg saagd n na n wa paama bõn-sõma buud toor-roore, la b pa tõe n kɩs sɩd tɩ bũmb nins b sẽn saagdã na n pidsame ye. La pʋlems nins sẽn be Biiblã pʋgẽ wã yẽ na n pidsame. D sã n ‘maagd d yĩng n vaeesd Gʋls-sõamyã,’ na n sõng-d lame tɩ d maneg n kɩs sɩd ne Biiblã sẽn yetã. (Tʋʋma 17:11) Y sã n zãms Biiblã, na n sõng-y lame tɩ y ges y sã n tõe n tẽe bũmb nins Biiblã sẽn yet beoog-daarã wɛɛngẽ.

 D BAO N BÃNG N PAASE

4. Biiblã pʋgẽ, b pʋlmame tɩ d tõe n wa paam n vɩɩmda wakat sẽn kõn sa, tɩ yell buud kae ye

Ges-y pʋlems nins sẽn be Biiblã pʋgẽ wã. Bʋs n noom yãmb n tɩ yɩɩda, la bõe yĩnga?

Karm-y vɛrse-rãmbã b sẽn gʋls pʋleng fãa sɛɛgã, la y leok sogsgã:

• Yãmb tagsdame tɩ vɛrse-kãensã tõe n sõnga yãmb bɩ? Tõe n sõnga yãmb ne y zakã rãmb la y zo-rãmbã tɩ y tẽ manegr bɩ?

Mams-y wa yãmb sẽn na n be dũni pʋgẽ

 5. Pʋlems nins sẽn be Biiblã pʋgẽ wã tõe n kɩtame tɩ y sẽn get yɛlã to-to wã toeeme

 KƲMSGO

Biiblã pʋgẽ, b pʋlma bõn-sõma toor-toor sẽn wate, tɩ kɩt tɩ d tẽed manegre, la d tõe n mao ne d zu-loeesã.

Lebg-n-gese

• Bõe yĩng tɩ nebã segd n bãng Wẽnnaam sẽn pʋlem bũmb ninsã?

• Bõe la Biiblã yet beoog vɩɩmã wɛɛngẽ?

• Y sã n tẽed tɩ manegr n wate, wãn to la tõe n sõng-y masã menga?