Seb-kãngã zãmsgã sõnga yãmb tɩ y bãng bũmb wʋsg a Zeova zugu. Yãmb sẽn bãng bũmb ninsã kɩtame tɩ y nong-a hal wʋsgo. Tõe tɩ kɩtame tɩ y rɩk y meng n kõ-a n deeg lisgu. Baa y sã n nan pa maan woto, tõe tɩ y tagsdame n na n wa maan woto ka la ka. La baa y lisgã poore, y segd n ket n modgdame n paasd yãmb ne a Zeova zoodã. Y tõe n maana rẽ wakat sẽn kõn sa. Wãn to?

1. Bõe yĩng tɩ y segd n ket n paasd yãmb ne a Zeova zoodã?

D segd n modga wa d sẽn tõe n ket n paasd tõnd ne a Zeova zoodã. Bõe yĩnga? “Sẽn na yɩl n da wa bʋdg n bas tẽebã a bada.” (Ebre-rãmbã 2:1) Bõe n na n sõng tõnd tɩ d ket n tũud a Zeova ne d sũur fãa? D tõe n wɩngda ne koɛɛgã moonego, la d baood soay a taab n na n maan a Zeova raabã n paase. (Karm-y Filip rãmb 3:16) D sã n tũud a Zeova, rẽ la d vɩɩmã na n tall bark n yɩɩda.​—Yɩɩn-sõamyã 84:11.

2. Bõe me la d segd n ket n maandẽ?

Baa sebrã zãmsgã sẽn debd a baasgẽ wã, y sẽn yaa kiris-nedã, bũmb wʋsg la y segd n ket n maandẽ. Biiblã yetame tɩ d segd n “yeelga nin-paalgã.” (Efɛɛz rãmbã 4:23, 24) Y sẽn ket n zãmsd Wẽnnaam Gomdã la y kẽnd tigissã, y na n bãngda bõn-paal a Zeova zugu, la a zʋg-sõma wã me zug n paasdẽ. Bao-y n ges-y y sẽn tõe n maan n maneg n bɩɩs a zʋg-sõma wã buudu. Ket-y n toeemd-y bũmb kẽer sẽn yaa tɩlɛ, sẽn na yɩl n noog a Zeova sũuri.

3. Bõe la a Zeova na n maan n sõng yãmba?

Biiblã yetame yaa: “Wẽnnaam . . . na n baasa yãmb zãmsgã. B na n kɩtame tɩ y yals kãn-kãe. B na n kõo yãmb pãnga. B na n kɩtame tɩ y kɩ yẽg sõma.” (1 Pɩyɛɛr 5:10) Tõnd fãa paamda makre. La a Zeova kõta tõnd bũmb nins sẽn na n sõng-d tɩ d yals kãn-kãe wã. (Yɩɩn-sõamyã 139:23, 24) A p̣ʋlmame t’a na n kõo tõnd raab la tõog tɩ d kell n tũ-a ne d sũur fãa.​—Karm-y Filip rãmb 2:13.

 D BAO N BÃNG N PAASE

4. Ket-y n pʋʋsd-y la y kelgd y zoa meng-mengã

Pʋʋsgã la Biiblã zãmsgã sõnga yãmb tɩ y lebg a Zeova zoa. Wãn to la bõn-kãensã tõe n sõng tɩ y maneg n paas yãmb ne a Zeova zoodã?

Karm-y Yɩɩn-sõamyã 62:9, tɩ rẽ poor bɩ y leok sokrã:

• Sẽn na yɩl n paas yãmb ne a Zeova zoodã, wãn to la y tõe n pelgd y pʋg n pʋʋsd-a?

Karm-y Yɩɩn-sõamyã 1:2, tɩ rẽ poor bɩ y leok sokrã:

• Sẽn na yɩl n paas yãmb ne a Zeova zoodã, bõe la y tõe n maan tɩ Biiblã karengã maneg n naf-yã?

Bõe la y tõe n maan tɩ y Biiblã zãmsgã maneg n naf-y n paase? Y sã n dat n bãng bũmb kẽer y sẽn tõe n maane, bɩ y ges VIDEO wã, tɩ rẽ poor bɩ y leok sokrã.

• Sagl-bʋs b sẽn kõ video wã pʋgẽ la y rat n tũ?

• Bõe ne bõe la y rat n zãmse?

 KƲMSGO

Ket n paasd-y yãmb ne a Zeova zoodã, la y yãkd y sẽn dat n maan a Zeova tũudmã pʋgẽ wã. Woto, y na n tõog n vɩɩmda ne sũ-noog masã menga, la wakat sẽn kõn sa!

Lebg-n-gese

• Bõe yĩng tɩ y tõe n kɩs sɩd t’a Zeova na n sõng-y lame tɩ y kell n tũ-a ne y sũur fãa?

• Bõe la y tõe n maan n paas yãmb ne a Zeova zoodã pãnga?

• Y sã n yãk y sẽn dat n maan a Zeova tũumdã pʋgẽ wã, wãn to la rẽ na n sõng-y tɩ y paas yãmb ne yẽ zoodã pãnga?